قازاقستان • 08 قىركۇيەك، 2020

پروكۋراتۋرا 1 قازاننان باستاپ پروتسەسسۋالدىق شەشىمدەر ەلەكتروندى فورماتتا شىعارىلاتىنىن مالىمدەدى

14 رەت كورسەتىلدى

2020 جىلدىڭ 1 قازانىنان باستاپ ازاماتتارىمىزدىڭ كونستيتۋتسيالىق قۇقىعىنا قاتىستى ىستەر بويىنشا باستى پروتسەسۋالدىق شەشىمدەر شىعارۋ ەلەكتروندى فورماتقا كوشىرىلەدى. بۇل تۋرالى قر باس پروكۋرورىنىڭ ورىنباسارى مارات احمەتجانوۆ ايتتى، دەپ حابارلايدى Egemen.kz قازاقپاراتقا سىلتەمە جاساپ. 

"1 قازاننان باستاپ سوتقا دەيىنگى تەرگەۋمەن اينالىساتىن بارلىق قۇقىق قورعاۋ ورگاندارى ازاماتتارىمىزدىڭ كونستيتۋتسيالىق قۇقىعىن قوزعايتىن ىستەر بويىنشا باستى پروتسەسسۋالدىق شەشىم شىعارۋدى ەلەكتروندى فورماتقا كوشىرەدى. كەشە ەلىمىزدىڭ باس پروكۋرورى پاۆلودار وبلىسىنا جۇمىس ساپارىمەن بارىپ، جاڭاشىلدىق ءىس جۇزىندە قالاي ارەكەت ەتەتىندىگىمەن، ونىڭ مۇمكىندىگىمەن تانىستى"، دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ ايتۋىنشا، 1 قازاننان باستاپ كەز كەلگەن پروتسەسسۋالدىق شەشىم شىعارىلعاننان كەيىن بىردەن سوتقا دەيىنگى تەرگەۋدىڭ بىرىڭعاي تىزىمىنە ەنگىزىلەتىن بولادى. ال ول قاداعالاۋشى پروكۋرور مەن پروتسەسسۋالدىق پروتسەستىڭ وزگە دە قاتىسۋشىلارىنا كورىنىپ تۇرادى. ءوز كەزەگىندە پروكۋرور شەشىمنىڭ زاڭدىلىعىن دەر ۋاقىتىندا قاداعالاي الادى. زاڭ بۇزۋشىلىق ورىن العان جاعدايدا ول ەلەكتروندى فورماتتى جويادى.

"پرەزيدەنت اتاپ وتكەندەي، قاداعالاۋدىڭ كەشەۋىلدەۋ جاعدايى بار. قاعاز نۇسقادا ونى بۇرمالاۋعا، وزگەرتۋگە بولادى. ال مۇنى بولدىرماۋ ءتاسىلىنىڭ ءبىرى – تسيفرلاندىرۋ. بۇل پروكۋرورلارعا قوسىمشا وكىلەتتىك ەمەس، قىلمىستىق ىستەردە ازاماتتاردىڭ قۇقىعى ءۇشىن قوسىمشا جاۋاپكەرشىلىك جۇكتەيدى. سوندىقتان دا ءبىز مۇنىڭ قالاي جۇمىس ىستەيتىندىگىن پاۆلودار وبلىسىندا بايقاپ كوردىك، بەيىمدەدىك جانە 1 قازاننان باستاپ بۇكىل ەلىمىزگە بۇل جۇيەنى ەنگىزۋگە بولادى دەگەن پايىمعا كەلدىك"، دەدى مارات احمەتجانوۆ.

 

سوڭعى جاڭالىقتار

مەرەكە قارساڭىندا ماراپاتتالدى

ايماقتار • بۇگىن، 13:58

6 مامىرعا ارنالعان ۆاليۋتا باعامى

ەكونوميكا • بۇگىن، 11:16

«چەلسي» فينالعا شىقتى

سپورت • بۇگىن، 10:48

ۇقساس جاڭالىقتار