قوعام • 08 قىركۇيەك، 2020

ەلىمىزدە مال ۇرلىعى 24 پايىزعا ازايدى

7 رەت كورسەتىلدى

ەلىمىزدە مال ۇرلىعى 24 پايىزعا ازايدى. بۇل تۋرالى قر باس پروكۋرورىنىڭ ورىنباسارى مارات احمەتجانوۆ ايتتى، دەپ حابارلايدى Egemen.kz قازاقپاراتقا سىلتەمە جاساپ.

"اۋىر قىلمىستاردىڭ ءبىرى - مال ۇرلىعى. پرەزيدەنت بۇل ماسەلەگە ەرەكشە كوڭىل ءبولىپ وتىر. مال بۇگىندە حالىقتىڭ بايلىعى ەمەس، ول قاشاندا تىرشىلىكتىڭ كوزى. قازاق امانداسقاندا الدىمەن "مال-جان امان با؟" دەپ سۇرايدى. ونىڭ ماعىناسى زور. سەبەبى قاراپايىم قازاق ازداعان مالىمەن جان باعىپ وتىر. سوڭعى جىلدارى مال ۇرلىعى كاسىپكە اينالىپ، ۇيىمداسقان قىلمىس ءتۇرى بولىپ كەتتى. سوندىقتان قىلمىستىق كودەكسكە "مال ۇرلاۋ" دەگەن جەكە باپ قوستىق. ول ناتيجەسىن بەرۋدە. قازىرگى كۇنى مال ۇرلىعى 24 پايىزعا ازايىپ وتىر"، دەدى ول ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا.

ونىڭ ايتۋىنشا، جازانىڭ اۋىرلاتىلۋى جانە تاتۋلاسۋعا تىيىم سالۋ ۇرلىققا مىقتى توسقاۋىل بولدى.

"ماسەلەن، وسى جىلدىڭ مامىرىندا تۇركىستان وبلىسىندا مال ۇرلىعىمەن اينالىسقان 5 ادامنان تۇراتىن قىلمىستىق توپ ۇستالدى. ولار 200-گە جۋىق ءىرى قارانى ۇرلاپ، اۋىل ادامدارىنا ميلليونداعان شىعىن كەلتىردى. 1 قىركۇيەكتە مال ۇرلىعى تۋرالى جاڭا باپپەن وسى 5 ادامنىڭ ارقايسىسىن 8 جىلعا باس بوستاندىعىنان ايىردى"، دەدى مارات احمەتجانوۆ.

 

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار