"دوستار, بىلتىردان بەرى ەلىمىزدىڭ شالعايداعى اۋىلدارىندا ورنالاسقان مەكتەپتەرگە "كۇمىس كىتابىمدى" تەگىن جىبەرىپ كەلە جاتىرمىن. بىلتىر 150 كىتاپ جونەلتىلسە, بيىل ونىڭ سانىن 250 كىتاپقا دەيىن جەتكىزدىك جانە بۇل شارا جالعاسىن تابۋدا.
"كۇمىس كىتاپتى" 2016 جىلى جازعانىمدى بىلەسىزدەر. سودان بەرى ەل بويىنشا مىڭداعان وقۋشىلارىمىزدىڭ كىتاپ وقۋعا قۇشتارلىعىن وياتقان تۋىندىعا اينالدى", دەگەن اۆتور بۇل جولى كىتاپتى مۇعالىمدەرگە جەكەلەپ تاراتقىسى كەلەتىنىن ءبىلدىردى.
"كىتاپحانالارعا ءتىزىم بويىنشا جىبەرە بەرسەك, كىتاپتىڭ وقىلۋ ىقتيمالدىعى تومەن بولۋىن جوققا شىعارا المايمىز. وقۋشىلار تىپتەن كىتاپحاناسىنا كىتابىمنىڭ جەتكەنىن بىلمەۋى دە مۇمكىن. مەن مەملەكەتتىك ورگان ەمەسپىن, ماعان ناتيجە كەرەك, دەمەك, شاڭ باسىپ جاتپاي, كىتاپتى كوبىرەك وقۋشىنىڭ شىن مانىندە الىپ وقىعانى ماڭىزدى.
سول ءۇشىن بۇل جولى الدىمەن ەلىمىزدىڭ نيەت بىلدىرگەن جاناشىر مۇعالىمدەرى مەن كىتاپحاناشىلارىنا تاراتۋدى ءجون ساناپ وتىرمىن.
"كۇمىس كىتاپتى" تەگىن الۋدىڭ شارتى قيىن ەمەس:
اۋىلدىق مەكتەپتە مۇعالىم نە كىتاپحاناشى بولۋ; كىتاپپەن ءوزىڭىز تانىسىپ شىعۋىڭىز كەرەك; وقىپ بولعان سوڭ, ءوزىڭىز ساباق بەرەتىن سىنىپتارعا مازمۇنىن ايتىپ بەرۋىڭىز كەرەك (شاعىن ۆيدەوەسەپ جىبەرۋ كەرەك); مەنىمەن ZOOM قوسىمشاسى ارقىلى وقۋشىلارمەن كەزدەستىرۋ ۇيىمداستىرۋىڭىز كەرەك.مەن جاس ۇرپاققا, ەرتەڭ مەنىڭ بولاشاعىمنىڭ قانشالىقتى جارقىن بولاتىنىن انىقتايتىن وقۋشىلارعا كىتاپ وقۋدىڭ ماڭىزى جايىندا جانە تەحنيكالارى تۋرالى ەل بويىنشا نەشە سىنىپ بولسا, سونىڭ بارلىعىنا مۇمكىندىگىنشە ZOOM ارقىلى تەگىن ءدارىس وقۋعا دايىنمىن.
وسى شارتتار ورىندالسا, مەن مەكتەبىڭىزدىڭ كىتاپحاناسىنا كوبىرەك كىتاپتار جىبەرەمىن.
قىزىققان مۇعالىمدەر وسىندا نەمەسە جەكەگە, نەمەسە +7 777 233 20 20 نومىرىنە ۋاتساپقا جازۋىنا ءبولادىا, دەلىنگەن جازبادا.
