ءبىلىم • 07 قىركۇيەك، 2020

"استانا" ۋنيۆەرسيتەتىندە تاعى دا داۋ شىقتى

389 رەت كورسەتىلدى

قر ءبىلىم جانە عىلىم مينيسترلىگى ستۋدەنتتەردىڭ شاعىمى بويىنشا "استانا" ۋنيۆەرسيتەتىنە قاتىستى تەكسەرۋدى باستادى، دەپ حابارلايدى Egemen.kz.

"مينيسترلىككە تامىز ايىنىڭ سوڭىندا "استانا" ۋنيۆەرسيتەتىنىڭ ستۋدەنتتەر توبىنان ۇجىمدىق شاعىم ءتۇستى. ولار مالىمدەمەدە وزدەرىنىڭ بولاشاعىنا الاڭداۋشىلىق بىلدىرگەن. حاتتا ۋنيۆەرسيتەتتە بىردە-ءبىر وقىتۋشى جوق ەكەندىگى، ال ولار تۇلەك بولعاندىقتان، وسىعان بايلانىستى ديپلومدىق جۇمىستارمەن اينالىسا المايتىندىعى ايتىلعان. ەكىنشىدەن، كەيبىر ستۋدەنتتەر ديپلوم الا الماي جۇرگەنىنە شاعىمداندى. سونداي-اق، ستۋدەنتتەر وقۋ ورنىنىڭ باسقا ۋنيۆەرسيتەتكە اۋىسۋ ءۇشىن قۇجات بەرمەيتىنىن دە تىلگە تيەك ەتكەن. وسىعان بايلانىستى ءبىز ساراپتامالىق كوميسسيا قۇردىق جانە مۇندا جوسپاردان تىس تەكسەرۋمەن كەلدىك. كورىپ وتىرعانىڭىزداي، وقۋ ورنىنىڭ رەكتورى جوق، بىزگە ونىڭ الماتىدا بىلىكتىلىكتى ارتتىرۋ كۋرستارىندا ەكەنىن ايتتى. مۇندا پرورەكتورلار جوق، كەيبىرەۋلەرى اۋىرىپ قالعان، باسقالاردىڭ قايدا ەكەنى بەلگىسىز"، دەپ اتاپ ءوتتى قر بعم ءبىلىم جانە عىلىم سالاسىنداعى باقىلاۋ كوميتەتى توراعاسىنىڭ ورىنباسارى عالىمجان جۇماشەۆ تەكسەرۋ بارىسىندا.

ونىڭ ايتۋىنشا، وقۋ ورنىنا ءتيىستى تەكسەرۋ جۇرگىزىلەدى.

ء"بىز بارلىق قۇجاتتاردى تەكسەرەمىز، ەگەر زاڭبۇزۋشىلىقتار انىقتالسا، وندا حاتتاما جاسالادى، ءبىز جوو - عا ايىپپۇل سالامىز، سونىمەن قاتار ول ليتسەنزيادان ۋاقىتشا ايىرىلادى. بۇل ءبىر ايدان التى ايعا دەيىنۋاقىتتى الۋى مۇمكىن. ەگەر زاڭبۇزۋشىلىقتار جويىلماسا، وندا جوو قىزمەتى توقتاتىلادى"، دەپ ءتۇسىندىردى عالىمجان جۇماشەۆ. قر بعم وكىلى بۇل ۋنيۆەرسيتەت جانجالدىڭ ورتاسىندا ءبىرىنشى رەت ەمەس ەكەنىن ايتتى. وتكەن جىلى دا وسىنداي جاعداي بولدى

 

سوڭعى جاڭالىقتار

نامىسىن تۋ ەتكەن

رۋحانيات • كەشە

ۇقساس جاڭالىقتار