مامانداردىڭ ايتۋىنشا, اپتانىڭ باسىندا رەسپۋبليكانىڭ باسىم بولىگىندە كۇن جىلىنادى. بۇل رەتتە اۋا رايى جاۋىن-شاشىنسىز بولاتىنى دا باسا ايتىلعان. الايدا ورتالىق جانە شىعىس قازاقستاننىڭ جەكەلەگەن اۋداندارىندا تۇنگى جانە تاڭعى ۋاقىتتا ۇسىك بايقالادى. كۇزدىڭ العاشقى ايىندا تۇندە سالقىن, ال كۇندىز جىلى اۋا رايى كۇتىلەدى.
بۇعان دەيىن "قازگيدرومەت" قازاقستاندا قىركۇيەك ايىندا اۋا رايى تۋرالى حابارلاعان ەدى. اتاپ ايتقاندا, ءبىر ايدا ورتاشا اۋا تەمپەراتۋراسى رەسپۋبليكانىڭ باسىم بولىگىندە نورمادان ءبىر گرادۋسقا جوعارى, سولتۇستىك قازاقستان, اقمولا, پاۆلودار, قوستاناي, قاراعاندى, شىعىس قازاقستان, الماتى وبلىستارىنىڭ باسىم بولىگىندە نورماعا جۋىق بولادى دەپ حابارلانعان.
