ايماقتار • 04 قىركۇيەك، 2020

قوستانايدا پوليتسەيلەرگە ارنالعان پسيحولوگيالىق ترەنينگ ورتالىعى اشىلدى

47 رەت كورسەتىلدى

قوستاناي وبلىسىنىڭ پوليتسيا دەپارتامەنتىندە قىزمەتكەرلەرگە پسيحولوگيالىق ترەنينگتەر وتكىزەتىن ارنايى كابينەت اشىلدى. وبلىستىق پد باستىعىنىڭ ورىنباسارى ارداق ىنتىقباەۆتىڭ ايتۋىنشا، ترەنينگ ورتالىعى بارلىق قاجەتتى قۇرالدارمەن جابدىقتالعان جانە زاماناۋي ستاندارتتارعا سايكەس كەلەدى،  - دەپ حابارلايدى Egemen.kz.

ء"بىزدىڭ پسيحولوگتار ءار قىزمەتكەرمەن جەكە جۇمىس ىستەيدى، ولاردىڭ كۇندەلىكتى ماسەلەلەرىن شەشۋگە كومەكتەسەدى. بۇگىنگى تاڭدا پسيحولوگيالىق دايىندىق – كادر ساياساتىن جەتىلدىرۋ ماسەلەسىندەگى باسىم مىندەتتەردىڭ ءبىرى"، - دەدى ا. ىنتىقباەۆ.

كاسىبي مامانداردىڭ ايتۋىنشا، پسيحولوگيالىق ترەنينگتەر پوليتسيا قىزمەتكەرلەرىنىڭ ازاماتتارمەن، ۇەۇ، باق وكىلدەرىمەن ءوزارا ءىس-قيمىل بارىسىندا قاجەتتى داعدىلاردى ويىن تۇرىندە ۇيرەتۋگە جانە مەڭگەرۋگە، سونداي-اق ۇجىم ىشىندەگى قارىم-قاتىناستى جاقسارتۋعا مۇمكىندىك بەرەدى.

"مۇندا پوليتسيا قىزمەتكەرلەرى اراسىندا كوممۋنيكاتيۆتىك داعدىلاردى دامىتۋ، قىزمەتكەرلەردى توسىن جانە توتەنشە جاعدايلارعا دايىنداۋ ءۇشىن توپتىق پسيحوكوررەكتسيالىق ءىس-شارالار وتكىزىلەدى"، - دەيدى اعا ينسپەكتور-پسيحولوگ دينارا قىستىباەۆا.

ترەنينگكە العاشقىلاردىڭ ءبىرى بولىپ پوليتسيا دەپارتامەنتى عيماراتىن كۇزەتۋ جونىندەگى ۆزۆود قىزمەتكەرلەرى قاتىستى. "ماعان تاپسىرما ۇنادى، وندا ءوز توبىما بەرىلگەن ءسوزدى سينونيم سوزدەرمەن ءتۇسىندىرۋ كەرەك بولدى. مۇنداي جاتتىعۋلار ادامنىڭ سوزدىك قورىن تولىقتىرۋعا كومەكتەسەدى"،  - دەيدى پوليتسيا اعا سەرجانتى اسقار قويشين.

 

 قوستاناي وبلىسى

سوڭعى جاڭالىقتار

كابۋلدا جارىلىس بولدى

وقيعا • بۇگىن، 17:08

وتاندىق فيلمدەردىڭ ۇلەسى ارتادى

قازاقستان • بۇگىن، 16:20

الماتىدا باقىلاۋ كۇشەيتىلدى

كوروناۆيرۋس • بۇگىن، 14:08

اقشا ەمەس، ابىروي قىمبات

بوكس • بۇگىن، 13:04

كۇرشىم وزەنى دە لاستانا باستادى

ەكولوگيا • بۇگىن، 12:38

تىلىكسىز وتا جاسالدى

مەديتسينا • بۇگىن، 12:20

ۇقساس جاڭالىقتار