ازاماتتار جەكە دەرەكتەرىنىڭ زاڭسىز جاريا بولۋ فاكتىلەرىن انىقتاعان جاعدايدا مينيسترلىككە حابارلاسىپ, ارنايى تەكسەرۋ جۇرگىزۋىن سۇراي الادى.
ول ءۇشىن moap@mdai.gov.kz ەلەكتروندى پوشتاسىنا حات جولداپ نەمەسە "ەلەكتروندى ۇكىمەت" پورتالىنداعى ءمينيستردىڭ جەكە بلوگىنا جازۋىنا بولادى.
ء"وتىنىش بەرگەن كەزدە اكىمشىلىك قۇقىق بۇزۋ بەلگىلەرى بويىنشا مالىمەتتەر جەتكىلىكتى بولۋى كەرەك: راستايتىن ماتەريالدار, قۇقىق بۇزۋ سۋبەكتىسى تۋرالى اقپارات جانە مەرزىمى. انونيم وتىنىشتەر قارالمايدى. مينيسترلىك ءوز كەزەگىندە قۇقىق بۇزۋشىعا قاتىستى تەكسەرۋ جۇرگىزەدى. ءار تەكسەرۋ قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىندە تىركەۋدەن وتەدى جانە كاسىپكەرلەردىڭ قۇقىعىن قورعاۋ ماقساتىندا قر كاسىپكەرلىك كودەكسىنە جانە قر اقبك سايكەس جۇرگىزىلەدى" دەلىنگەن حابارالمادا.
فاكت راستالعان جاعدايدا اكىمشىلىك جازا قولدانۋ تۋرالى شەشىم شىعادى. بۇل رەتتە ۋاكىلەتتى ورگان شاعىن بيزنەسكە 2023 جىلعى 1 قاڭتارعا دەيىن جوسپاردان تىس تەكسەرۋ جۇرگىزبەۋ تۋرالى موراتوريگە قاراماستان, شاعىن بيزنەس سۋبەكتىلەرىنە تەكسەرۋ جۇرگىزبەي-اق اكىمشىلىك ءىس قوزعاۋعا قۇقىلى. ەڭ باستىسى, قۇقىق بۇزۋ فاكتىسىن راستايتىن قاجەتتى ماتەريالداردى تولىق ۇسىنۋ.
ەستەرىڭىزگە سالا كەتەيىك, بيىلعى ماۋسىمدا مەملەكەت باسشىسى "تسيفرلىق تەحنولوگيالاردى رەتتەۋ ماسەلەلەرى بويىنشا قازاقستان رەسپۋبليكاسىنىڭ كەيبىر زاڭنامالىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى" زاڭعا قول قويعان بولاتىن. بۇل زاڭدا مينيسترلىك دەربەس دەرەكتەردى قورعاۋ سالاسىنداعى ۋاكىلەتتى ورگان دەپ كورسەتىلگەن.
