سپورت • 03 قىركۇيەك, 2020

قازاقستاندىق تەننيسشى يتاليادا توپ جارىپ كەلەدى

173 رەت
كورسەتىلدى
1 مين
وقۋ ءۇشىن

قازاقستاندىق اندرەي گولۋبەۆ جۇپتىق سىندا كوردەنونس (يتاليا) چەللەندجەر ءتۋرنيرىنىڭ جارتىلاي فينالىنا شىقتى, دەپ حابارلايدى Egemen.kz قازاقپاراتقا سىلتەمە جاساپ.

قازاقستاندىق تەننيسشى يتاليادا توپ جارىپ كەلەدى

ا.گولۋبەۆ ۋرۋگۆايلىق اريەل بەحارمەن بىرگە شيرەك فينالدا يتاليالىقتار ماتتەو Mارفيا مەن دانيەلو ۆالەنتينومەن شەبەرلىك بايقاستى. قازاقستاندىق-ۋرۋگۆايلىق جۇپ 50 مينۋتقا سوزىلعان ماتچتا 6:2, 6:1 ەسەبىمەن جەڭىسكە جەتتى.

ا.گولۋبەۆ پەن ا.بەحار فينالعا شىعۋ ءۇشىن فرانتسيالىقتار بەندجامين بونزي مەن انتۋان وان جانە شۆەيتساريالىق لۋكا مارگاوللي مەن يتاليالىق اندرەا ۆاۆاسسوري جۇپتارىنىڭ قاي جەڭگەنىمەن تالاسادى. تاعى ءبىر قازاقستاندىق, الەمنىڭ 165-راكەتكاسى دميتري پوپكو وستراۆا (چەحيا) چەللەندجەر ءتۋرنيرىنىڭ شيرەك فينالىنا شىعا المادى.

ول ەكىنشى اينالىمدا رەيتينگتە 225-ورىندا تۇرعان چەحيالىق زدەنەك كولارعا 7:5, 4:6, 5:7 ەسەبىمەن ەسە جىبەردى. بۇل تارتىستى باسەكە 3 ساعاتتان استام ۋاقىتقا سوزىلدى.



سوڭعى جاڭالىقتار

359 شەتەلدىك بايقاۋشى قاتىسادى

رەفەرەندۋم • بۇگىن, 23:50