ەلوردادا شومىلۋ ماۋسىمى بويىنشا قورىتىندى شىعارىلدى. بريفينگتە نۇر-سۇلتان قالاسى توتەنشە جاعدايلار دەپارتامەنتىنىڭ باستىعى باۋىرجان سىزدىقوۆتىڭ ايتۋىنشا, بيىل كەشەندى شارالاردىڭ ارقاسىندا ادام ءولىمى 28 پايىزعا, ال بالالار ءولىمى 100 پايىزعا تومەندەدى. تج دەپارتامەنتىنىڭ كۇشىمەن قالانىڭ التى تۇرعىنى قۇتقارىلدى.
"رەيدتىك ءىس-شارالارعا وقۋشىلاردى, ستۋدەنتتەردى جانە ءوزىن-ءوزى جۇمىسپەن قامتىعان ادامداردى جۇمىلدىرىپ, قالا اكىمدىگى جۇمىسپەن قامتۋ ورتالىعىمەن بىرلەسىپ جۇمىس جۇرگىزدى. قاۋىپسىزدىكتى قامتاماسىز ەتۋ ءۇشىن كۇن سايىن كارانتين شارالارىن ەسكەرە وتىرىپ, قالانىڭ سۋ ايدىندارىنا 60 قوعامدىق قۇتقارۋشىلاردان تۇراتىن 11 توپ كەزەكشىلىككە شىقتى. سونداي-اق كۇن سايىن رەيدتىك ءىس-شارالارعا جەكە قۇرامنىڭ 80 ادامى كەلىپ, بارلىق 23 ۋچاسكە بويىنشا رەيدتەر جۇرگىزدى. ەرىكتىلەردىڭ كومەگىن تاعى دا اتاپ وتكىم كەلەدى. بىزبەن بىرگە "جاس وتان", "استانا جاستارى" جانە "ەرىكتىلەر ليگاسىنان" ەرىكتىلەر جۇمىس ىستەدى. ولاردىڭ كومەگىمەن ءبىز 25 بىرلەسكەن رەيد وتكىزىپ, 750 ادامدى قامتىدىق", – دەدى بريفينگ بارىسىندا باۋىرجان سىزدىقوۆ.
ونىڭ مالىمەتىنشە, بيىل نۇر-سۇلتاندا بەس ادام سۋعا كەتتى. ولاردىڭ كوپشىلىگى بەلگىلەنبەگەن جەرلەردە شومىلدى. ستاتيستيكاعا سايكەس, بۇل سۋداعى بارلىق ءولىمنىڭ ەڭ كوپ تارالعان سەبەبى. سونداي-اق ماس كۇيىندە شومىلۋ دا اسا قاۋىپتى.
ەگەر وتكەن جىلمەن سالىستىرعاندا سۋعا شومىلۋ ماۋسىمىندا ءولىم-ءجىتىم سانى ازايسا, وندا شومىلۋ ورىندارىندا ءجۇرىس-تۇرىس ەرەجەلەرىن بۇزۋشىلار سانى ءتورت ەسەگە جۋىق ءوستى. 2019 جازىندا 31 ادامعا ايىپپۇل سالىندى, وسى ماۋسىمدا-114.
سپيكەر 1 قىركۇيەكتەن باستاپ ەلوردانىڭ بارلىق سۋ قويمالارىندا شومىلۋعا تىيىم سالىنعانىن ەسكە سالدى, ويتكەنى سۋدىڭ تەمپەراتۋراسى 18 گرادۋستان تومەن بولۋى دەنە قۇرىسۋى مەن ولىمگە سەبەپشى مۇمكىن.
