«نۇر وتان» پارتياسى وبلىستىق فيليالى ساياسي كەڭەسىنىڭ وتىرىسىندا ساياسي ۇيىمنىڭ كەزەكتەن تىس حV سەزىنىڭ شەشىمدەرى جانە ەلباسى – پارتيا توراعاسى نۇرسۇلتان نازارباەۆتىڭ سويلەگەن سوزدەرىنەن تۋىندايتىن مىندەتتەر تالقىلاندى.
القالى باسقوسۋعا قاتىسقان اۋماقتىق فيليالداردىڭ توراعالارى مەن ولاردىڭ ءبىرىنشى ورىنباسارلارى, سەزد دەلەگاتتارى, جەرگىلىكتى ءماسليحاتتاردىڭ دەپۋتاتتارى, «جاس وتان» جاستار قاناتىنىڭ بەلسەندىلەرى مەن باق وكىلدەرى الدىندا فيليال جەتەكشىسى, ايماق باسشىسى سامات ەسكەندىروۆ ءسوز سويلەدى.
«نۇر وتان» پارتياسى وبلىستىق فيليالى ساياسي كەڭەسىنىڭ وتىرىسىندا ساياسي ۇيىمنىڭ كەزەكتەن تىس حV سەزىنىڭ شەشىمدەرى جانە ەلباسى – پارتيا توراعاسى نۇرسۇلتان نازارباەۆتىڭ سويلەگەن سوزدەرىنەن تۋىندايتىن مىندەتتەر تالقىلاندى.
القالى باسقوسۋعا قاتىسقان اۋماقتىق فيليالداردىڭ توراعالارى مەن ولاردىڭ ءبىرىنشى ورىنباسارلارى, سەزد دەلەگاتتارى, جەرگىلىكتى ءماسليحاتتاردىڭ دەپۋتاتتارى, «جاس وتان» جاستار قاناتىنىڭ بەلسەندىلەرى مەن باق وكىلدەرى الدىندا فيليال جەتەكشىسى, ايماق باسشىسى سامات ەسكەندىروۆ ءسوز سويلەدى.
بايانداماشى «نۇر وتان» پارتياسىنىڭ كەزەكتەن تىس حV سەزىنىڭ تاريحي ماڭىزىنا توقتالا كەلىپ, وسىناۋ ساياسي جيىنعا قىزىلجار وڭىرىنەن 62 دەلەگات قاتىسقانىن, پارتيانىڭ ساياسي كەڭەسىنىڭ جاڭارتىلعان قۇرامىنا «ءمامبەتوۆ جانە ك» كومانديتتىك سەرىكتەستىگىنىڭ باس ديرەكتورى ەركەبۇلان مامبەتوۆ پەن ءتىل جانە ادەبيەت ينستيتۋتىنىڭ ديرەكتورى جانار تالاسباەۆانىڭ, تەكسەرۋ كوميسسياسىنىڭ قۇرامىنا وبلىستىق ءماسليحاتتىڭ دەپۋتاتى رايحان ءابدىراحمانوۆانىڭ ەنگەنىن جەتكىزدى. نۇرسۇلتان نازارباەۆ كوشباسشى پارتيانىڭ جەتى مىندەتىن ايقىنداپ, الدىمىزعا ۇلكەن مەجەلەر قويدى. فورۋمدا قابىلدانعان ساياسي دوكترينا ەل دامۋىنىڭ ۇزاق جىلدارعا ارنالعان ماڭىزدى قادامدارىن بەلگىلەپ بەردى. بۇدان بىلاي پاتريوتتىق كۇش, جالپىۇلتتىق بىرلىكتىڭ ورتالىق بۋىنى, ازاماتتىق قوعامنىڭ كوشباسشىسى, ەكونوميكالىق جانە الەۋمەتتىك يننوۆاتسيالاردىڭ جالپىۇلتتىق ەپيتسەنترى, جالپىحالىقتىق باقىلاۋدىڭ باستى قۇرالى, جاستار بەلسەندىلىگى باسىم باعىتتار رەتىندە جان-جاقتى قولداۋ تاباتىن بولادى, دەدى ءوڭىر باسشىسى.
سامات ساپاربەك ۇلى «قازاقستان-2050» ستراتەگياسىن ءجۇزەگە اسىرۋعا بايلانىستى وڭىردە اتقارىلىپ جاتقان شارالارعا توقتالىپ, باستى مىندەت ستراتەگيا مەن دوكترينا تالاپتارىن بۇلجىتپاي ورىنداۋ بولىپ تابىلاتىنىن قاداپ ايتتى. پارتيا توراعاسى اتاپ وتكەندەي, قازاقستان الەمنىڭ ەڭ دامىعان 30 مەملەكەتى قاتارىنا قوسىلۋ جولىندا ۇستانعان باعدارىنان اينىمايدى. وعان ەلىمىزدىڭ ەكونوميكالىق الەۋەتى, حالقىمىزدىڭ كۇش-ءجىگەرى تولىق جەتەدى. ءوزىمىزدى ۇدايى قامشىلاپ, العا ۇمتىلا ءبىلسەك قانا «قازاقستان-2050» ستراتەگياسىنداعى بيىك ماقساتتاردى ورىنداۋعا قول جەتكىزەمىز. ال بۇل ءار نۇروتاندىقتان بەلسەندى ءىس-قيمىل كۇتەدى.
ساياسي كەڭەس وتىرىسىندا وبلىستىق ءماسليحاتتىڭ حاتشىسى قايىرلى ەدىرەسوۆ, پەتروپاۆلداعى قازاق مەكتەپ-گيمنازياسىنىڭ ديرەكتورى گۇلجان جاقانوۆا, ىشكى ساياسات باسقارماسىنىڭ باسشىسى سالاۋات مۇقسيموۆ, «نۇر وتان» پارتياسى شال اقىن اۋداندىق فيليالى توراعاسىنىڭ ورىنباسارى ەلەنا كۋزيچەۆا, «جاس وتان» جاستار قاناتىنىڭ وبلىستىق فيليالىنىڭ اتقارۋشى حاتشىسى مۇسا تاناقۇلوۆ سويلەپ, ۇسىنىس-پىكىرلەرىن ورتاعا سالدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
