"مەملەكەت باسشىسى قاسىم-جومارت كەمەل ۇلىنىڭ "قازاقستان جاڭا شىندىقتا: ءىس-قيمىل ۋاقىتى" اتتى جولداۋى ەل دامۋىنىڭ ناقتى ۆەكتورلارىن انىقتاپ بەردى, ونىڭ ىشىندە ەلىمىزدىڭ الەۋمەتتىك سالاسىن جاڭعىرتۋ مەن ازاماتتاردىڭ الەۋمەتتىك ءال-اۋقاتىن كوتەرۋ – مەملەكەت ساياساتىنىڭ باستى باسىمدىعى ەكەنىن كورسەتتى.
بىرىنشىدەن, تۇرعىن ءۇي ماسەلەلەرى نەعۇرلىم بەلسەندى شەشىلەتىن بولادى. ازاماتتىق قوعامنىڭ قاجەتىنە سايكەس بىرىڭعاي جيناقتاۋشى زەينەتاقى قورىنىڭ سالىمشىسى جيناعىنىڭ ءبىر بولىگىن تۇرعىن ءۇي ساتىپ الۋعا, ەمدەلۋگە نەمەسە قارجى كومپانيالارىنىڭ باسقارۋىنا بەرۋ مۇمكىندىگى كەلەسى جىلدان ىسكە اسىرىلا باستايدى.
بۇل دەگەنىمىز - 720 مىڭنان استام ازاماتتىڭ ءومىر ساپاسىن ارتتىرۋ مۇمكىندىگى, الەۋمەتتىك ماسەلەسىنىڭ شەشىمى. بۇل رەفورما قازاقستاندىقتاردى زەينەتاقى جۇيەسىنە قاتىسۋعا تۇڭعىش رەت بەرىلەدى دەگەن ءسوز.
سونىمەن قاتار, مەملەكەت تۇرعىن ءۇيدى جالداۋ اقىسىنىڭ قۇنىن سۋبسيديالايتىن بولادى, بۇل ءبىرىنشى جىلى 100 مىڭ قازاقستاندىق وتباسىن قولداۋعا مۇمكىندىك بەرەدى", دەدى ەرالى توعجانوۆ ۇكىمەت ۇيىندە وتكەن ءباسپاسوز ءماسليحاتىندا. ونىڭ اتۋىنشا, ەكىنشىدەن, وتباسىلىق-دەموگرافيالىق جاعداي جاقسارادى.
"قاسىم-جومارت كەمەل ۇلى اتاپ وتكەندەي, وكىنىشكە وراي, ءاربىر التىنشى قازاقستاندىق وتباسى ءۇشىن بالالى بولۋ - ورىندالماي وتىرعان ارمان. سوندىقتان, 2021 جىلدان باستاپ "اڭساعان ءسابي" ارنايى باعدارلاماسى ىسكە قوسىلادى. ەكستراكورپورالدىق ۇرىقتاندىرۋ (ەكو) كۆوتالارىن 7 مىڭعا دەيىن ۇلعايتۋ كوزدەلىپ وتىر", دەدى ول.
ەرالى توعجانوۆ ۇشىنشىدەن, الەۋمەتتىك ساياساتتىڭ جاڭا پاراديگماسى قالىپتاستىرىلاتىنىن ايتتى.
"بۇگىنگى تاڭدا ەلدىڭ الەۋمەتتىك قاۋىپسىزدىگى 17 زاڭمەن جانە ونداعان زاڭ اكتىلەرىمەن رەتتەلىپ وتىر. الدا - قاعازباستىلىقتى ازايتىپ, حالىقتىڭ قولجەتىمدىلىگىن جەڭىلدەتۋ ماقساتى تۇر. وسىعان وراي, ۇكىمەت ەلدىڭ بىرىڭعاي الەۋمەتتىك كودەكسىن ازىرلەۋدى جوسپارلاپ وتىر. بۇل - بارلىق نورماتيۆتىك-قۇقىقتىق بازانى بىرىكتىرۋگە جانە جۇيەلەۋگە مۇمكىندىك بەرەدى. تورتىنشىدەن, مەملەكەتتىك قىزمەتتەردىڭ قولجەتىمدىلىگىن ارتتىرۋ نەمەسە ولاردى ەلەكتروندىق فورماتقا كوشىرۋ جۇمىسى جالعاسادى. مەملەكەت باسشىسى ايتقانداي: ادامدار ەمەس, "دەرەكتەر" جۇگىرۋگە ءتيىس" دەگەن قاعيدا ىسكە اسىرىلادى", - دەدى ۇكىمەت باسشىسىنىڭ ورىنباسارى.
