*گرۋزيانىڭ ورتالىق سايلاۋ كوميسسياسى پرەزيدەنتتىك سايلاۋدىڭ قورىتىندىسىن شىعاردى. بيۋللەتەندەر 100 پايىز ەسەپتەلگەن سوڭ «گرۋزيا ارمانى» بيلەۋشى كواليتسياسىنان كانديدات گەورگي مارگۆەلاشۆيليدىڭ 62,11 پايىز داۋىس العانى بەلگىلى بولدى. وعان 1 ميلليون 12 مىڭ 214 ادام ءوز داۋىستارىن بەرىپتى.
*قىتاي باسشىلىعى پەكيندەگى تيانانمەن الاڭىندا بولعان اۆتوموبيل اپاتىن لاڭكەستىك دەپ قابىلداپ وتىر.
*گرۋزيانىڭ ورتالىق سايلاۋ كوميسسياسى پرەزيدەنتتىك سايلاۋدىڭ قورىتىندىسىن شىعاردى. بيۋللەتەندەر 100 پايىز ەسەپتەلگەن سوڭ «گرۋزيا ارمانى» بيلەۋشى كواليتسياسىنان كانديدات گەورگي مارگۆەلاشۆيليدىڭ 62,11 پايىز داۋىس العانى بەلگىلى بولدى. وعان 1 ميلليون 12 مىڭ 214 ادام ءوز داۋىستارىن بەرىپتى.
*قىتاي باسشىلىعى پەكيندەگى تيانانمەن الاڭىندا بولعان اۆتوموبيل اپاتىن لاڭكەستىك دەپ قابىلداپ وتىر.وقيعا سالدارىنان كولىك ىشىندەگى 3 جانكەشتىنى قوسقاندا, 5 ادام قازا تاپسا, 38-ءى جاراقات العان ەدى. بيلىكتەگىلەر لاڭكەستىككە قاتىسى بار دەگەن كۇدىكپەن شىڭجاڭ-ۇيعىر اۆتونوميالى رايونىنىڭ ەكى تۇرعىنىنا ىزدەۋ جاريالاعان.
*ساۋد ارابياسىنىڭ جوعارعى ءمۇفتيى ابدۋل ازيز ءال شەيح ءسوز سويلەپ, وندا جاس وتانداستارىنا سيرياداعى سوعىسقا بارۋعا اسىقپاۋعا اقىل-كەڭەس بەرگەن. ءمۇفتيدىڭ سوزىنە قاراعاندا, سوعىس ءىس-قيمىلدارىنا قاتىسۋ جيھاد جولىن تاڭداعاندار ءۇشىن مىندەتتى بولىپ تابىلمايدى.
*رەسەي ليبەرال-دەموكراتيالىق پارتياسىنىڭ سەركەسى ۆلاديمير جيرينوۆسكي «اتىڭ شىقپاسا, جەر ورتە» ارەكەتىن تاعى قايتالادى. ول «جەكپە-جەك» باعدارلاماسىندا «سولتۇستىك كاۆكازدى تىكەنەك سىممەن قورشاپ تاستاۋ كەرەك» دەپ مالىمدەدى. سونداي-اق, كاۆكاز رەسپۋبليكالارىندا ءۇشىنشى بالا ءۇشىن ايىپپۇل ەنگىزىپ, تۇرعىندار ءوسىمىن قىسقارتۋ قاجەتتىگىن تالاپ ەتتى. مەمدۋمانىڭ كوميتەت توراعاسى گادجيمەت سافاراليەۆ باس پروكۋرور يۋري چايكادان وسپادار دەپۋتاتتىڭ مالىمدەمەسىن تەكسەرۋدى ءوتىنىپ وتىر.
*لاتۆيانىڭ ۆەنتسپيلس, كۋلديگۋ جانە تالسي قالالارى سۇراپىل داۋىل سالدارىنان تولىقتاي ەلەكتر جارىعىنسىز قالدى. قالالاردا جانارماي قۇيۋ ستانسالارى جۇمىس ىستەمەيدى. ەلەكتر جارىعى تۇرعىن ۇيلەر مەن مەكەمەلەردە اتىمەن جوق. اۋرۋحانالار مەن باسقا دا ستراتەگيالىق نىساندار گەنەراتورلارمەن جۇمىس ىستەپ تۇر. اتالعان قالالارعا قۋات قاشان بەرىلەتىنى بەيمالىم.
*«تاجىكستان تەمىر جولى» رەسەي جاعىنان ۆورونەج وبلىسىنىڭ تەرنوۆكا ستانساسىنداعى تەمىر جول بويىندا «ماسكەۋ – دۋشانبە» باعىتىنداعى پويىزعا جاسالعان شابۋىلدان كەلگەن شىعىننىڭ ورنىن تولتىرۋدى تالاپ ەتىپ وتىر. مۇنداي وقيعا بۇرىن-سوڭدى ورىن الىپ كورمەسە, ونى سوڭعى كەزدەگى رەسەيدەگى انتيميگرانتتىق كوڭىل-كۇيدىڭ كۇشەيۋىمەن بايلانىستىرۋعا بولاتىنداي.
*مىسىردىڭ كۋنگ-فۋدان چەمپيونى موحاممەد يۋسەف ەلدىڭ بۇرىنعى پرەزيدەنتى موحاممەد ءمۋرسيدى قولداعانى ءۇشىن التىن مەدالىنەن ايىرىلىپ قالدى. بۇعان قوسا, بيلىك باسىنداعىلار سپورتشىعا الەمدىك ارەنادا ءوز ەلىنىڭ نامىسىن قورعاۋعا تىيىم سالدى. ديسكۆاليفيكاتسيانىڭ قانشا ۋاقىتقا سوزىلاتىنى تۋرالى مالىمەت جوق.
*حالىقارالىق فۋتبول فەدەراتسياسى (فيفا) ءوزىنىڭ رەسمي سايتىندا الەمنىڭ ەڭ ۇزدىك ويىنشىسىنا بەرىلەتىن «التىن دوپ» سىيلىعىنان ۇمىتكەر 23 فۋتبولشىنىڭ ءتىزىمىن جاريالادى. ولاردىڭ قاتارىندا اتالعان دوپتى ءتورت مارتە العان ل.مەسسي, سونداي-اق ە.ازار. گ.بەيل, ز.يبراگيموۆيچ, ا.ينەستا ف.لام, ر.لەۆاندوۆسكي, ر. ۆان پەرسي, ك.رونالدۋ, ت.ب. بار.
اقپارات اگەنتتىكتەرى ماتەريالدارىنىڭ نەگىزىندە ازىرلەندى.
