بۇگىن قازاقستان قور بيرجاسىنداعى ساۋدا-ساتتىق قورىتىندىسى بويىنشا, تەڭگەنىڭ 1 دوللارعا قاتىستى باعامى ارزاندادى.
"الەمدىك نارىقتا اقش دوللارىنىڭ نىعايۋى, مۇناي وڭدەۋ زاۋىتتارىنىڭ جوسپارلى تەحنيكالىق قىزمەت كورسەتۋ ءۇشىن جابىلۋى جانە وپەك ەلدەرىنىڭ مۇناي ءوندىرىسىن بىرتىندەپ قايتارۋى 2 قىركۇيەكتە مۇناي باعاسىنا ايتارلىقتاي قىسىم جاسادى. ءبىر كۇندە مۇناي باعاسى 1, 20 دوللارعا نەمەسە (-) 2,61%-عا تومەندەدى. سوداي-اق, ەنەرگيا نارىعىنداعى تۇراقسىزدىق دامۋشى ەلدەردىڭ ۆاليۋتاسىنا دا اسەر ەتتى. مىسالى, يندونەزيا مەن وڭتۇستىك افريكا ۆاليۋتالارى ءبىر كۇن ىشىندە (-) 1,2% جانە (-) 1% تومەندەدى", دەيدى نۇرجان تۇرسىنحانوۆ.
ونىڭ ايتۋىنشا, تەڭگەنىڭ اقش دوللارىنا شاققانداعى باعامى مۇناي باعاسىنىڭ قۇلدىراۋىنا جانە دامۋشى ەلدەر ۆاليۋتاسىنىڭ السىرەۋى اسەرىنەن دە تومەندەدى. قازاقستان قور بيرجاسىنداعى ساۋدا-ساتتىق بارىسىندا ءبىر دوللار باعامى - 420,35 تەڭگە دەڭگەيىندە قالىپتاستى, بۇل (-) 0,44% تومەن.
