تابيعي مونوپوليالاردى رەتتەۋ كوميتەتىنىڭ قىزىلوردا وبلىسى بويىنشا دەپارتامەنتى "قجەو" مەملەكەتتىك كوممۋنالدىق كاسىپورنىنىڭ "قازالى-تەمىرجولجىلۋ" فيليالىنا جانە "قورقىت اتا اۋەجايى" اق-عا "تابيعي مونوپوليالار تۋرالى" زاڭنىڭ 26-بابى, 2-تارماعى, 15-تارماقشاسىندا بەلگىلەنگەن مىندەتتى ساقتاماعانى ءۇشىن ايىپپۇل سالدى.
بۇل كومپانيالار وتكەن جىلى تاريفتىك سمەتانى ورىنداماعانى ءۇشىن جازالانىپ وتىر. وسى ءۇشىن اكىمشىلىك قۇقىق بۇزۋ كودەكسىنىڭ 164-بابى 5-ءبولىمى بويىنشا 2 اكىمشىلىك ءوندىرىس قوزعالعان.
سۋبەكتىلەر جالپى سوماسى 2,5 ملن تەڭگە مولشەرىندە ايىپپۇل تولەۋگە مىندەتتى. قازىرگى ۋاقىتتا دەپارتامەنتتىڭ اكىمشىلىك ايىپپۇل سالۋ تۋرالى قاۋلىسى زاڭدى كۇشىنە ەنگەن جوق جانە سۋبەكتىلەر وعان قارسى شاعىم بەرۋگە قۇقىلى.
