"سونداي-اق, جولداۋدا مۇعالىمدەردىڭ ءال-اۋقاتىن ارتتىرۋعا جانە 2021 جىلعى 1 قاڭتاردان باستاپ ولاردىڭ جالاقىسىن 25 پايىزعا ارتتىرۋعا نازار اۋدارىلدى. بۇل باعىتتا مينيسترلىك ءتيىستى جۇمىستار جۇرگىزىپ جاتقانىن اتاپ وتكىم كەلەدى. ماسەلەن, 2020 جىلعى 1 قاڭتاردان باستاپ مادەنيەت جانە سپورت سالاسىنداعى مامانداندىرىلعان مەكتەپتەر مەن كوللەدجدەر قىزمەتكەرلەرىنىڭ جالاقىسى 2023 جىلعا دەيىن جىل سايىن 25 پايىزعا ۇلعاياتىن بولادى", دەدى مينيستر ۇكىمەت ۇيىندە وتكەن ءباسپاسوز ءماسليحاتىندا.
ونىڭ ايتۋىنشا, بۇگىندە قر پارلامەنتى ماجىلىسىندە بۇقارالىق سپورتتى دامىتۋعا باعىتتالعان زاڭ جوباسى قاراستىرىلىپ جاتىر. قۇجاتتىڭ اياسىندا مەملەكەتتىك ءبىلىم ۇيىمدارىنىڭ پەداگوگتارىنا ساباقتان تىس سپورت ساباقتارىن جۇرگىزگەنى ءۇشىن بازالىق لاۋازىمدىق جالاقىدان 100 پايىز مولشەرىندە قوسىمشا اقى ەنگىزۋ ماسەلەسى پىسىقتالۋدا.
"مەملەكەت باسشىسىنىڭ جولداۋىندا اتالىپ وتكەن ستراتەگيالىق باعدارلاردى ساپالى جانە ۋاقىتىلى ورىنداۋ ءۇشىن مينيسترلىك تاراپىنان بارلىق ءتيىستى شارالارار قابىلداناتىن بولادى", دەدى ول.
