اقمولا وبلىسى اكىمىنىڭ ءبىرىنشى ورىنباسارى ءراشيت اكىموۆ سالتاناتتى جاعدايدا وبلىستىڭ 19 مەملەكەتتىك مال دارىگەرلىك مەكەمەلەرىنە جاڭا قىزمەت كولىكتەرىنىڭ كىلتتەرىن تابىس ەتتى. بۇل كۇنى ابىلاي حان الاڭىنان 38 «SsangYong» جانە «ۋاز» ماركالى جول تالعامايتىن ارنايى اۆتوموبيلدەرى مالدى اۋىلدارعا اتتاندى. جاڭا كولىكتەر مال دارىگەرلىك جانە دەزينفەكتسيالىق قۇرالدارمەن جابدىقتالعان.
اقمولا وبلىسى اكىمىنىڭ ءبىرىنشى ورىنباسارى ءراشيت اكىموۆ سالتاناتتى جاعدايدا وبلىستىڭ 19 مەملەكەتتىك مال دارىگەرلىك مەكەمەلەرىنە جاڭا قىزمەت كولىكتەرىنىڭ كىلتتەرىن تابىس ەتتى. بۇل كۇنى ابىلاي حان الاڭىنان 38 «SsangYong» جانە «ۋاز» ماركالى جول تالعامايتىن ارنايى اۆتوموبيلدەرى مالدى اۋىلدارعا اتتاندى. جاڭا كولىكتەر مال دارىگەرلىك جانە دەزينفەكتسيالىق قۇرالدارمەن جابدىقتالعان.
قىزمەت كولىكتەرى «اگروبيزنەس-2020» باعدارلاماسى اياسىندا ۆەتەريناريالىق قىزمەتتىڭ ماتەريالدىق-تەحنيكالىق بازاسىن نىعايتۋ ءۇشىن ساتىپ الىندى. بۇعان دەيىن دە ءار اۋىلدىق وكرۋگتە قۇرىلعان مال دارىگەرلىك پۋنكتتەرگە 237 «نيۆا» اۆتوكولىگى بولىنگەندىگىن ايتا كەتكەن ءجون. جالپى, بۇل ماقساتقا 940 ميلليون تەڭگە ءبولىنىپ, تولىق يگەرىلگەن.
سالتاناتتى شارادا ءسوز العان ساندىقتاۋ اۋدانىنداعى «ۆەتستانتسيا-1» مەملەكەتتىك كوممۋنالدىق كاسىپورنىنىڭ ديرەكتورى مولدىباي بايجىگىتوۆ بۇل اۆتوكولىكتەردىڭ ۆەتەريناريالىق قىزمەتتى دامىتۋعا يگى ىقپالىن تيگىزەتىندىگىن ايتا كەلىپ, ۇكىمەت تاراپىنان جاسالىپ جاتقان قامقورلىققا العىسىن ءبىلدىردى.
باقبەرگەن امالبەك,
«ەگەمەن قازاقستان».
اقمولا وبلىسى.
