"ازاماتتار زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاقسارتۋ ماقساتىندا, سونداي-اق وزدەرى, ەرلى-زايىپتىلار نەمەسە جاقىن تۋىستارى ءۇشىن ەمدەلۋدىڭ اقىسىن تولەۋگە پايدالانا الادى. ماقساتتى پايدالانۋ ءۇشىن وسى وتباسى مۇشەلەرىنىڭ قاراجاتىن بىرىكتىرۋگە بولادى", - دەدى بىرجان نۇرىمبەتوۆ.
ونىڭ ايتۋىنشا, بەلگىلەنگەن تالاپتارعا سايكەس كەلگەن جاعدايدا ازاماتتار زەينەتاقى جيناقتارىنىڭ ءبىر بولىگىن ءبىر نەمەسە باسقا ماقساتقا قايتا پايدالانا الادى. اتاپ ايتقاندا, تۇرعىن ءۇي جاعدايلارىن جاقسارتۋ ءۇشىن زەينەتاقى جيناقتارىنىڭ ءبىر بولىگىن پايدالانۋ, تۇرعىن ءۇي (باستاپقى جانە قايتالاما نارىقتا) نەمەسە جەر ۋچاسكەسىن ساتىپ الۋ, يپوتەكالىق قارىزداردى قايتا قارجىلاندىرۋ نەمەسە وتەۋ (كەز كەلگەن ەكىنشى دەڭگەيدەگى بانكتە, كەز كەلگەن باعدارلاما بويىنشا), ءوز تۇرعىن ءۇيىن سالۋ نەمەسە جوندەۋ مۇمكىندىگىن جانە تۇرعىن ءۇي جاعدايلارىن جاقسارتۋ ءۇشىن قولدانا الادى.
"زەينەتاقى جيناقتارىن پايدالانا وتىرىپ ساتىپ الىنعان تۇرعىن ءۇي 5 جىل وتكەننەن كەيىن عانا ساتىلۋى مۇمكىن. ء"بىر تەرەزە" قاعيداتى بويىنشا زەينەتاقى جيناقتارىنىڭ ءبىر بولىگىن تۇرعىن ءۇي جاعدايىن جاسقارتۋعا ماقساتتى پايدالانۋعا ۋاكىلەتتى وپەراتور رەتىندە قايتا قۇرىلاتىن "وتباسى بانكى" ("تۇرعىن ءۇي جيناقتاۋشى بانكى" اق) ۇسىنىلادى. زەينەتاقى جيناقتارىن تولەۋ ەسەبىنەن تۇرعىن ءۇي جاعدايلارىن جاقسارتۋ ءتارتىبىن يندۋستريا جانە ينفراقۇرىلىمدىق دامۋ مينيسترلىگى بەكىتەدى", - دەدى مينيستر.
