قاراعاندىداعى عابدۋشەۆتاردىڭ وتباسى التى جىلدان بەرى ءالى سالىنىپ بولماعان كوپ پاتەرلى ءۇيدى باسپانا رەتىندە ساعالاپ كەلەدى. وتباسىندا بەس بالا بار. ەڭ كىشكەنتايلارى 6 ايعا جاقىندا عانا تولعان.
وتباسىنداعى انانىڭ ايتۋىنا قاراعاندا ولار تۇرىپ جاتقان قۇرىلىستى باستاعان ىسكەر ازامات عابدۋشەۆتاردىڭ جاعدايىن ءتۇسىنىپ, وسى ۇيدە تۇرۋلارىنا رۇقسات بەرگەن. بۇل ءۇشىن بەس بالانىڭ اناسى بيزنەسمەنگە ۇلكەن العىسىن بىلدىرەدى. ويتكەنى,
قاراعاندىداعى عابدۋشەۆتاردىڭ وتباسى التى جىلدان بەرى ءالى سالىنىپ بولماعان كوپ پاتەرلى ءۇيدى باسپانا رەتىندە ساعالاپ كەلەدى. وتباسىندا بەس بالا بار. ەڭ كىشكەنتايلارى 6 ايعا جاقىندا عانا تولعان.
وتباسىنداعى انانىڭ ايتۋىنا قاراعاندا ولار تۇرىپ جاتقان قۇرىلىستى باستاعان ىسكەر ازامات عابدۋشەۆتاردىڭ جاعدايىن ءتۇسىنىپ, وسى ۇيدە تۇرۋلارىنا رۇقسات بەرگەن. بۇل ءۇشىن بەس بالانىڭ اناسى بيزنەسمەنگە ۇلكەن العىسىن بىلدىرەدى. ويتكەنى,مۇنىڭ ءوزى, مۇقتاج جاندار ءۇشىن ۇلكەن كومەك. ولار وزدەرىنەن باسقا جان تۇرمايتىن وسى ءۇيدىڭ ءبىر پاتەرىنە ءوز بەتتەرىمەن پەش ورناتىپ, قىستا قاتىپ قالماۋدىڭ امالىن قاراستىرعان. ال سۋدى الىستاعى بۇلاقتان تاسيدى.
– مەنىڭ بالالارىم دا وسى ەلدىڭ ۇلاندارى عوي. ولار ساباقتارىن جاقسى وقيدى. سپورتپەن دە شۇعىلدانادى. ۇلكەن قىزىم ءدىلناز گيمناستيكامەن اينالىسادى. جاسوسپىرىمدەر اراسىندا ەكىنشى رازريادى بار. بىراق ءدال قازىرگى كۇنى ولاردىڭ بولاشاعى ەشكىمدى تولعاندىرمايتىن سەكىلدى. بيلىك باسىنداعىلارعا كومەك سۇراپ بارسام, ءبارى دە ءبىر-ءبىرىنىڭ اۋزىنا تۇكىرىپ قويعانداي «نەگە تۋاسىڭ؟!» دەپ وزىمە اكىرەڭدەيدى. ەگەر بۇل بالالاردى ماعان اللا بەرىپ وتىرسا, مەن ولاردان باس تارتپاقپىن با؟ وسىنى ۇقپايتىندارىنا رەنجيمىن, – دەيدى ءجانيا.
ءجانيانىڭ ايتۋىنشا, جۇبايى ەكەۋىنىڭ باسىندا وسى ۋاقىتقا دەيىن مەنشىك ءۇي بولماعان. وسى ءۇيدى پانالاعانعا دەيىن «بەرلين» كەنتىندەگى ءۇيدى ايىنا 25 مىڭ تەڭگە تولەپ جالداپ تۇرعان.
«نوۆىە ۆەستنيكتىڭ» حابارلاۋىنشا, قازىرگى كۇنى بۇل وتباسى بار بولعانى ءبىر بولمەنى عانا پانالاپ وتىرعانىمەن, ونىڭ ىشىندە بالالاردىڭ «داڭق بۇرىشى» بار ەكەن. وندا بالالار وزدەرىنىڭ العان ماقتاۋ قاعازدارى مەن سپورت جارىستارىنداعى مەدالدارىن, سۋرەتتەرىن ورنالاستىرىپتى. شاماسى «سانانى تۇرمىس بيلەيدى» دەگەن راس بولسا كەرەك. بۇل بالالار قازىرگى كۇنى سپورت سالاسىندا بەلگىلى ءبىر جەتىستىكتەرگە جەتۋدى كوپ ارماندامايدى دا. ولاردىڭ نەگىزگى ارمانى – تۇراقتى ءبىر باسپانالى بولۋ.
شەنەۋنىكتەر عابدۋشەۆتارعا كەزەكتەن تىس پاتەر بولە المايتىندىقتارىن ەسكەرتىپ وتىر. ولاردىڭ ايتۋىنا قاراعاندا, قالادا بۇل سەكىلدى 5 مىڭ ادام بار كورىنەدى. كەيبىرىنىڭ جاعدايى عابدۋشەۆتاردان دا قيىن دەسەدى.
«ەگەمەن-اقپارات».
