اكادەميا باسشىسى دارحان قىدىرالى ءبىلىم ءمينيسترى ەمين امرۋللاەۆتى جاڭا تاعايىندالعان قىزمەتىمەن قۇتتىقتاپ, جاڭا باستالعان وقۋ جىلىنا ساتتىلىك تىلەدى.
ايتا كەتۋ كەرەك, بيىل تۇرىك اكادەمياسىنىڭ عىلىمي كەڭەسىنىڭ كەزەكتى ءىس باسىنداعى توراعالىعىن ازەربايجان رەسپۋبليكاسى قابىلداپ, قارقىندى جۇمىس ىستەۋدە.
اڭگىمەلەسۋ بارىسىندا تاراپتار الەمگە تاراعان ىندەت سالدارىنا قاراماستان جاسالىپ جاتقان جۇمىستاردى تالقىلاپ, عىلىم جانە ءبىلىم باعىتىندا الداعى ۋاقىتتا اتقارىلاتىن بىرلەسكەن جوبالار جايىندا پىكىرلەستى.
سونىمەن قاتار, قازان ايىنىڭ باسىندا ابدۋرراحيم بەي حاگۆەرديەۆتىڭ 150 جىلدىعىن جانە ۋزەير گادجيبەەۆتىڭ 135 جىلدىعىنا ارنالعان حالىقارالىق ونلاين كونفەرەنتسيا وتكىزۋ تۋرالى ۋاعدالاستى.
ءوز كەزەگىندە, ەمين امرۋللاەۆ اكادەميا باسشىسىنىڭ قاراشا ايىندا قازاقستاندا وتەتىن ۇلى ويشىل ءال-ءفارابيدىڭ 1150 جىلدىعىنا ارنالعان حالىقارالىق كونفەرەنتسياعا شاقىرۋىن قابىل الدى.
سونداي-اق قازان ايىندا ەمين امرۋللاەۆ تۇرىك اكادەمياسىنىڭ عىلىمي كەڭەسىنىڭ كەزەكتى وتىرىسىن وتكىزۋدى ۇسىندى. ءسوز سوڭىندا ءبىلىم ءمينيسترى حالىقارالىق تۇرىك اكادەمياسىنىڭ قىزمەتىنە جوعارى باعا بەرەتىنىن اتاپ ءوتتى.
