«ەلوردانىڭ كەلبەتىن قالىپتاستىرۋدا, تۇرعىنداردىڭ ۋاقىتىن جايلى وتكىزۋدە اۋلالاردىڭ, تىنىمباقتار مەن گۇلزارلار ماڭىزدى ءرول اتقارادى. كارانتيندىك شارالار ەنگىزىلگەننەن كەيىن اباتتاندىرىلعان قوعامدىق كەڭىستىكتەرگە سۇرانىس ارتا ءتۇستى. قالا تۇرعىندارى تازا اۋادا سەرۋەندەۋدى باعالاي باستادى.
وتكەن جىلى ءبىز ءبىرىنشى كەزەكتە اباتتاندىرۋدى قاجەت ەتەتىن اۋلالاردىڭ ءتىزىمىن جاسادىق. ولاردىڭ قاتارىنا قاراۋسىز قالعان ۋچاسكەلەر, باتپاق جانە بوس قالعان جەرلەر ەنگىزىلدى. باسىمدىق وڭ جاعالاۋعا جاسالدى. سونداي-اق, اپاتتى ۇيلەر سۇرىلگەن جەرلەردە, قۇرىلىس جۇمىستارى قارقىندى ءجۇرىپ جاتقان جەرلەردە شاعىن پاركتەر پايدا بولدى.
اباتتاندىرۋ بويىنشا اۋقىمدى جۇمىستارعا بيىلعى كوكتەمنەن باستاپ كىرىستىك. وسىلايشا, بيىل بايقوڭىر اۋدانىندا 50 اۋلا, سارىارقادا – 40, الماتىدا – 33, ەسىل اۋدانىندا 20 اۋلا اباتتاندىرىلدى. سونىمەن بىرگە 50 قوعامدىق كەڭىستىكتى اباتتاندىرامىز. مىسالى, وسى جازدا كوپىر استىنداعى دەمالىس ورنى العاش رەت اباتتاندىرىلدى (سارايشىق كوشەسى, ارقار كوپىرى). جاڭا كەڭىستىك ترياتلون پاركى مەن پرەزيدەنت ساياباعىن بىرىكتىرەدى.
كوگالداندىرۋعا ەرەكشە نازار اۋدارامىز. سەبەبى ءار وتىرعىزىلعان اعاش بىرنەشە جىلدان سوڭ ەكولوگياعا جاعىمدى اسەرىن تيگىزىپ, ادامداردىڭ ۋاقىتتا ءتيىمدى وتكىزۋىنە سەپتىگىن تيگىزەرى ءسوزسىز. قازىر كەلەسى جىلى اباتتاندىرىلاتىن اۋلالار مەن قوعامدىق كەڭىستىكتەردىڭ ءتىزىمىن دايىنداپ جاتىرمىز», – دەپ جازدى التاي كولگىنوۆ.
