مەملەكەت باسشىسى دامۋدىڭ نەگىزگى باعدارىن ايقىندادى, بىراق بىزدە باسشىلىقتىڭ تاپسىرمالارى ناشار نەمەسە ۋاقىتىنان تىس ورىندالاتىن جاعدايلار كوپتەپ كەزدەسەدى. سوندىقتان قازىر بىزگە اتقارۋشى ورگانداردا تەمىردەي ءتارتىپ كەرەك. وسىعان بايلانىستى مەملەكەت باسشىسى بيلىك ۆەرتيكالى قالاي وزگەرەتىنىن انىقتاپ بەردى. شىن مانىندە, مينيسترلەرگە مارتەبەدەن بولەك جۇمىس ىستەۋ مۇمكىندىكتەرىن بەرۋدەن باستاپ, كوپ نارسە جاڭارادى, سونىمەن بىرگە ولاردىڭ جاۋاپكەرشىلىگى دە ارتادى. ەكىنشى جاعىنان, ءبىز بۇگىن جەرگىلىكتى ءوزىن ءوزى باسقارۋ جوبالارى نىعايىپ جاتقانىن ەستىدىك. ياعني ءبىز اۋىل اكىمدەرىن سايلاۋعا بىرتىندەپ كوشەمىز. بۇل – وتە ماڭىزدى جانە ءبىزدىڭ ەلىمىزدىڭ ساياسي جۇيەسىندەگى ۇلكەن وزگەرىستەردىڭ باستالۋىن بىلدىرەدى.
اگرارلىق سەكتورعا كەلەتىن بولساق, مەن بۇگىن مەملەكەت باسشىسىنىڭ جەكە قوسالقى شارۋاشىلىقتاردى دامىتۋعا, ولاردىڭ ىنتىماقتاستىعىنا نازار اۋدارعانىنا قۋانىپ وتىرمىن. بىزدە جەكە قوسالقى مالدىڭ 70%-ى بار. بۇل دايىن بيولوگيالىق اكتيۆ, ءبىز ونى تەك پايدالانۋىمىز كەرەك. ءبىزدىڭ ەل جايىلىمدىق كولەمى بويىنشا الەمدە 5-ءشى ورىندا تۇر. 188 ميلليون گەكتار جايىلىمدىق جانە شابىندىق جەرلەر بار. بىراق ءبىز اۋىلدىق ەلدى مەكەندەردى جايىلىممەن تولىقتاي قامتاماسىز ەتە الماي وتىرمىز. شىندىعىندا, ءبىز ولاردى اشتىق ديەتاسىندا ۇستايمىز. سوندىقتان ەگەر ءبىز بۇل ماسەلەنى شەشەتىن بولساق, وندا ەلىمىزدە بىردەن ەت پەن ءسۇت ءوندىرىسى كەم دەگەندە 30% وسەتىن بولادى.
اقىلبەك كۇرىشباەۆ,
سەنات دەپۋتاتى
