شىمكەنت قالاسىنىڭ مادەنيەت, تىلدەردى دامىتۋ جانە مۇراعات باسقارماسى ماماندارىنىڭ ايتۋىنشا, فەستيۆالدەرگە رەسەيدىڭ باشقۇرتستان, تاتارستان رەسپۋبليكالارى مەن التاي ولكەسىنەن, بەلارۋس, ءازىربايجان, ارمەنيا, تۇرىكمەنستان, وزبەكستان, تاجىكستان, قىرعىزستاننان جانە ءوز ەلىمىزدەن 71 ونەرپاز قاتىسقان. ونىڭ ىشىندە 41-ءى ەسترادالىق ءانشى بولسا, 30 قاتىسۋشى حالىق اسپاپتارىندا ونەر كورسەتتى.
سونداي-اق, تمد مەملەكەتتەرىنەن تىس اقش, مولدوۆا, مونعوليا ەلدەرىنەن دە ارتىستەر قوناق رەتىندە قاتىسىپ, ىستىق سالەمدەرىن جولدادى.
حالىق اسپاپتارىندا ورىنداۋشىلار اراسىنداعى ونەر سايىسى تمد ەلدەرىنىڭ ءوزارا مادەني-گۋمانيتارلىق ىنتىماقتاستىعىن نىعايتۋ ماقساتىندا ۇيىمداستىرىلدى. وعان سانكت-پەتەربۋرگ قالاسىنان "دونتسى" جانە "سەرەبرياننىە سترۋنى" ورىس حالىق اسپاپتىق وركەسترلەرى, مونعوليا رەسپۋبليكاسىنان "التاي كاي" ءانسامبلى, وزبەكستاننان "اببوس" توبى جانە راۆشان يۋنۋسوۆ, مولدوۆا رەسپۋبليكاسىنان "پان اكادەميك" ءانسامبلى, قازاقستاننان الەمگە تانىمال " ۇلىتاۋ" توبى, سونداي-اق "SARMAD", "قاراتاۋ قازىناسى", "ادىرنا", "ارقا اۋەندەرى", "الاتاۋ", "امانات", "التاي" سىندى حالىقتىق ەتنو-فولكلورلىق انسامبلدەر قاتىستى. كاسىبي ونەرپازدارمەن قاتار اۋەسقوي ورىنداۋشىلار دا ءوز باعىن سىناپ, كورەرمەن قاۋىمعا ۇلتتىق اسپاپتىڭ وزىندىك ەرەكشە دىبىسى مەن بوياۋىن شەبەر جەتكىزە ءبىلدى.
ۆاشينگتون قالاسىنان Nika Davidhizar, سانك-پەتەربۋرگ قالاسىنان ولگا بلوحينا, قىرعىزستاننان جيدەش مۇراتقىزى, رەسەيدىڭ كاباردينو-بالكار رەسپۋبليكاسىنان حاليمات گەرگوكاەۆا مەن التايدان "چۋيا" توبى ءشامشى اۋەندەرىن ناقىشىنا كەلتىرە ورىنداپ, تىڭدارماننىڭ ىستىق ىقىلاسى مەن قولداۋىنا يە بولدى. ال, وتاندىق ونەرپازدارعا توقتالساق, نۇر-سۇلتان قالاسىنان اسىلحان شالقاروۆ, ورالحان التىنبەكوۆ سىندى تانىمال انشىلەر, قىزىلوردا وبلىسىنان "ەكسپرەسس" ءانسامبلى, شىمكەنت قالاسىنان "اسىل اجەلەر" توبى قاتىستى.
فەستيۆال قورىتىندىسى بويىنشا قاتىسۋشىلارعا قالا اكىمىنىڭ ارنايى ديپلومى تابىستالادى.
ەسكە سالا كەتەيىك, ونلاين رەجيمدە وتكەن فەستيۆالگە قاتىسۋشىلاردىڭ بەينە وتىنىمدەرى 15 تامىزعا دەيىن قابىلدانعان بولاتىن. شەبەرلىگىمەن كوزگە تۇسكەن ونەرپازدار كارانتين رەجيمى اياقتالعاننان كەيىن شىمكەنت قالاسىندا وتەتىن حالىقارالىق ءىس-شارالارعا شاقىرىلادى.
