"سەمەي يادرولىق قاۋىپسىزدىك ايماعى تۋرالى" زاڭ جوباسىن قابىلداۋدىڭ ماقساتى بۇرىنعى سەمەي سىناق پوليگونىنىڭ لاستانعان اۋماقتارىندا جانە وعان ىرگەلەس جەرلەردە رادياتسيالىق جانە ەكولوگيالىق قاۋىپسىزدىكتى قامتاماسىز ەتۋ, اۋماقتى وڭالتۋ جانە پوليگون جەرىن پايدالانۋ ماسەلەلەرىندە مەملەكەتتىك باقىلاۋدى كۇشەيتۋ بولىپ تابىلادى.
"سەمەي يادرولىق قاۋىپسىزدىك ايماعى تۋرالى" زاڭ جوباسىندا:
1. بۇرىنعى سەمەي سىناق پوليگونىنىڭ جەرىندە جانە نورماتيۆتەن تىس راديواكتيۆتى لاستانۋعا ۇشىراعان ىرگەلەس اۋماقتاردا ارنايى ايماق – "سەمەي يادرولىق قاۋىپسىزدىك ايماعىن" قۇرۋ;
2. راديواكتيۆتى لاستانۋدىڭ تارالۋىن شەكتەۋ;
3. پوليگون اۋماعىندا تاريحي قالىپتاسقان راديواكتيۆتى قالدىقتاردى جيناۋ, ورنالاستىرۋ جانە كادەگە جاراتۋ جولىمەن سەمەي يادرولىق قاۋىپسىزدىك ايماعىنىڭ اۋماعىن وڭالتۋ;
4. سەمەي يادرولىق قاۋىپسىزدىك ايماعى اۋماعىنداعى راديواكتيۆتى لاستانۋ دەڭگەيىنە ۇزدىكسىز مونيتورينگ جۇرگىزۋ كوزدەلەدى.
زاڭ جوبالارى عىلىمي-قۇقىقتىق, عىلىمي-ەكولوگيالىق جانە عىلىمي-ەكونوميكالىق ساراپتامادان وتكىزىلدى. يزاڭ جوبالارىنىڭ ەرەجەلەرىن ىسكە اسىرۋ وڭىردەگى ەكولوگيالىق جاعدايدى جاقسارتۋعا باعىتتالادى.
