قازاق بوكسى ءوزىنىڭ تاريحىندا بۇرىن-سوڭدى بولماعان ۇلكەن جەتىستىككە قول جەتكىزدى. الماتىدا وتكەن سەنبى كۇنى مارەسىنە جەتكەن الەم چەمپيوناتىندا ەلىمىزدىڭ مىرزاعالي ايتجانوۆ باستاعان قۇراما كومانداسى 4 التىن, 2 كۇمىس جانە 2 قولا مەدالمەن رەسمي ەمەس ەسەپتە جالپى كوماندالىق ءبىرىنشى ورىندى جەڭىپ الدى.
بۇل جەڭىستى, البەتتە, ەڭ الدىمەن وسى ءبىرىنشىلىكتە الدارىنا جان سالماي, چەمپيون اتانعان 4 اتلەتىمىز اكەلدى.
قازاق بوكسى ءوزىنىڭ تاريحىندا بۇرىن-سوڭدى بولماعان ۇلكەن جەتىستىككە قول جەتكىزدى. الماتىدا وتكەن سەنبى كۇنى مارەسىنە جەتكەن الەم چەمپيوناتىندا ەلىمىزدىڭ مىرزاعالي ايتجانوۆ باستاعان قۇراما كومانداسى 4 التىن, 2 كۇمىس جانە 2 قولا مەدالمەن رەسمي ەمەس ەسەپتە جالپى كوماندالىق ءبىرىنشى ورىندى جەڭىپ الدى.
بۇل جەڭىستى, البەتتە, ەڭ الدىمەن وسى ءبىرىنشىلىكتە الدارىنا جان سالماي, چەمپيون اتانعان 4 اتلەتىمىز اكەلدى.
ءبىرجان جاقىپوۆ. قازاقستان قۇراماسى ساپىنداعى جەرەبەسى ەڭ قيىن تۇسكەن بوكسشى بولعانىنا قاراماستان, چەمپيوناتتى باستان-اياق ءبىر دەڭگەيدە وتكىزگەن, 5 شايقاسىندا دا ءوزىنىڭ تاكتيكالىق ۇستانىمىنان اينىماعان وسى ءبىرجان بولدى. جوعارى كاسىبي شەبەرلىكتىڭ ۇلگىسىن كورسەتكەن ول ۇرىستارى بارىسىندا بىردە-ءبىر مارتە ءمۇلت كەتىپ, قاتەلىككە ۇرىنعان جوق.
مەرەي اقشالوۆ. وسىدان از عانا ۋاقىت بۇرىن ازيا بىرىنشىلىگىندە ءوزىنىڭ الىمدى دا ارىندى اتلەت ەكەنىن انىق اڭعارتقان جەرلەسىمىز بۇل چەمپيوناتتى دا وتە جوعارى دەڭگەيدە وتكىزدى. ول ءبىزدىڭ قۇراما عانا ەمەس, تۋرنيردەگى ەڭ كوپ سوققى جاساۋشى بوكسشىلاردىڭ ءبىرى رەتىندە ەستە قالدى.
دانيار ەلەۋسىنوۆ. بيىل عانا كوماندا كاپيتانى بولىپ تاعايىندالعان دانيار تۋرنيردە ءوزىنىڭ ەرەكشە تەحنيكالىق شەبەرلىگىمەن كوزگە ءتۇستى. قورعانىس پەن شابۋىلدى قاتار ۇستاي بىلگەن ول سوققىنى بارىنشا از قابىلداعان بوكسشى رەتىندە دە اۋىزعا ءىلىندى.سوندىقتان چەمپيوناتتاعى ەڭ شەبەر بوكسشى اتاعىن الۋى زاڭدىلىق بولىپ تابىلادى.
جانىبەك ءالىمحان ۇلى. ون چەمپيوننىڭ اراسىنداعى ەڭ جاسى ءوزىنىڭ سول البىرتتىعىن قايتپاس قايسارلىققا دا ۇلاستىرا ءبىلدى. بۇل ونىڭ قاي شايقاستا دا قايتپاي ۇرىس سالۋىنا نەگىزگى سەبەپ بولدى. وسى ورايدا العاشقى ەكى شايقاسى مەن سوڭعى جەكپە-جەگى كورەرمەندەرىن ءتانتى ەتتى. ەڭ باستىسى, ءوزىنىڭ باسىم ەكەنىنە ەشكىمگە شاك كەلتىرتپەدى.
