ءۇمىت • 31 تامىز، 2020

قازاق قىزى "قىتاي داۋىسى" مۋزىكالىق جوباسىندا ءساتتى ونەر كورسەتتى

59 رەت كورسەتىلدى

قىتايداعى تانىمالى ونەر باسەكەسىنىڭ ءبىرى سانالاتىن "قىتاي داۋىسى" (Sing! China) مۋزىكالىق جوباسىنا قاتىسىپ جاتقان قانداسىمىز ءمادينا دۋمانقىزى جارىستىڭ العاشقى كەزەڭىنەن ءساتتى ءوتتى، دەپ حابارلايدى Egemen.kz قازاقپاراتقا سىلتەمە جاساپ.

قىتايداعى تالانتتار شوۋى اتانعان تەلەۆيزيالىق جوبادا ءانشى ءمادينا دۋمانقىزى "قارىزدار ەمەسپىن" اتتى ءاندى قىتاي تىلىندە ورىنداپ، تالىمگەرلەر مەن كورەرمەندەردىڭ جوعارى باعاسىنا يە بولعان.

اتالعان جوبا قىتايدىڭ "چجەزياڭ" تەلەارناسىندا كورسەتىلىپ جاتىر. ءمادينا دۋمانقىزى – 2000 جىلى قىتايدىڭ تارباعاتاي ايماعى شاۋەشەك قالاسىندا تۋعان. قازىرگى كۇنى سيان مۋزىكا ينستيتۋتىندا ءبىلىم الۋدا. جاس ءانشى وسى ۋاقىتقا دەيىندە ءتۇرلى ونەر بايقاۋلارىنا قاتىسىپ، ءوز تالانتىمەن جۇرتقا تانىلىپ ۇلگىرگەن.

ول 2016 جىلى قىتايداعى شىڭجان قازاقتارىنىڭ اراسىنداعى تانىمال ونەر بايگەسى سانالاتىن، شىڭجاڭ تۆ وتكىزگەن "كۇمىس كومەي" جوباسىندا باس جۇلدەنى جەڭىپ العان. سونىمەن بىرگە وسى جوبادا "حالىقتىڭ قالاۋىنان شىققان ۇزدىك ءانشى" بولىپ باعالانىپ، وسى اتالىمدار بويىنشا جۇلدەگە تىگىلگەن ەكى بىردەي تەمىر تۇلپاردى قانجىعاسىنا بايلادى.

سونداي-اق، قازاقستاندا وتكەن XIX "شابىت" حالىقارالىق شىعارماشىل جاستار فەستيۆالىنە قاتىسىپ اتاۋلى سىيلىقتى جۇلدەمەن ماراپاتتالعان. 2019 جىلى قىتايدىڭ ورتالىق راديوسى مەن تەلەديدارى ۇيىمداستىرعان ونەر بايقاۋىندا جانە شەنسي پروۆينتسياسى وتكىزگەن بايقاۋلاردا جۇرتشىلىقتى ءوز تالانتىمەن تاعى دا ءتانتى ەتتى.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار