«اتامەكەن» ۇلتتىق كاسىپكەرلەر پالاتاسىنىڭ «باستاۋ بيزنەس» جوباسى بويىنشا ءبىر ايلىق «كاسىپكەرلىك نەگىزدەرى» كۋرسىن اياقتاپ, سەرتيفيكات العان پروباتسيا ەسەبىندەگى ءۇش ازامات, جاڭادان باستاعان كاسىپتى قولداۋ ماقساتىنداعى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا 555 600 تەڭگە قايتارىمسىز گرانت ۇتىپ الدى. ۇشەۋى دە جەكە كاسىبىن اشتى. بىرەۋى تاۋىق وسىرۋمەن اينالىسىپ جاتسا, قالعان ەكەۋى مال باسىن كوبەيتىپ, جەكە كاسىبىن دوڭگەلەتىپ وتىر.
«تاۋىق ءوسىرۋ ارقىلى ءوز جاعدايىڭدى تۇزەپ الۋعا دا بولادى ەكەن. تاۋىقتى كۇتىپ باپتاۋ دا وڭاي ەمەس. ولاردىڭ قورادا ەركىن قوزعالۋىنا جاعداي جاساۋ قاجەت. قازىر الەۋمەتتىك جەلى دەگەن جاقسى بولدى, قۇستى كۇتىپ-باپتاۋدىڭ ءتۇرلى ءادىسىن عالامتوردان وقيمىن. تاۋىق تا قۇنارلى ازىق-ت ۇلىك تۇرلەرىن قاجەت ەتەدى. بولاشاقتا تاۋىقتى كوبەيتىپ, تسەح اشىپ, ءىسىمدى ودان ءارى دامىتقىم كەلەدى», دەيدى پروباتسيا ەسەبىندەگى ازامات.
ال اۋداندىق پروباتسيا قىزمەتىنىڭ اعا ينسپەكتورى, ادىلەت مايورى جاقسىبەك ءجۇنىسوۆتىڭ ايتۋىنشا, پروباتسيا ەسەبىندەگى تاعى 2 ازامات مال ءوسىرىپ, مال باسىن كوبەيتۋمەن اينالىسىپ جاتىر. مەملەكەتتەن العان كومەگىنە مال ۇستايتىن قورا سالىپ, مال ساتىپ العان. ءبىر ازامات ءبىر ايلىق كۋرستى اياقتاپ, سەرتيفيكات العان. قازىرگى ول مەملەكەت تاراپىنان بەرىلەتىن كومەكتى الۋ ءۇشىن قۇجاتتارىن دايىنداپ ءجۇر.
دانا دوستانوۆا,
قىزىلوردا وبلىسى بويىنشا قاجد قىزمەتكەرى
