بۇدان ءبىر جىل بۇرىن الماتى وبلىسى قاپال كەنتىندە تۇراتىن ەلامان ناعىموۆ ەسىمدى وقۋشى بالا ءۇي ىرگەسىندەگى باقشالىق جەردەن جۇزدەن استام كونە تيىنداردى تاۋىپ الادى. سول كۇنى 7-سىنىپتا وقيتىن جەتكىنشەك اۋلادان جەرتولە قازىپ جاتقان اكەسىنە كومەكتەسىپ جۇرگەن ەدى. ءبىر كەزدە ول ەكى مەتر تەرەڭدىككە جەتكەن كەزدە شۇبەرەك قاپشىققا كەزىگەدى. ءىشىن اشىپ قاراسا, سارى ءتۇستى كوپتەگەن تيىندار شىعادى. كەيىن عالىمدار ولاردىڭ تاريحي قۇندىلىقتارى بار ەكەنىن مويىندادى.
بۇدان ءبىر جىل بۇرىن الماتى وبلىسى قاپال كەنتىندە تۇراتىن ەلامان ناعىموۆ ەسىمدى وقۋشى بالا ءۇي ىرگەسىندەگى باقشالىق جەردەن جۇزدەن استام كونە تيىنداردى تاۋىپ الادى. سول كۇنى 7-سىنىپتا وقيتىن جەتكىنشەك اۋلادان جەرتولە قازىپ جاتقان اكەسىنە كومەكتەسىپ جۇرگەن ەدى. ءبىر كەزدە ول ەكى مەتر تەرەڭدىككە جەتكەن كەزدە شۇبەرەك قاپشىققا كەزىگەدى. ءىشىن اشىپ قاراسا, سارى ءتۇستى كوپتەگەن تيىندار شىعادى. كەيىن عالىمدار ولاردىڭ تاريحي قۇندىلىقتارى بار ەكەنىن مويىندادى.
سول ۋاقىتتان بەرى ەلاماننىڭ اناسى راۋشان ۇسەنوۆا وسى سيرەك كەزدەسەتىن كونە تەڭگەلەردى جەرگىلىكتى جەردەگى اقىن سارا اتىنداعى مۇراجايعا ساتۋعا ارەكەت جاساپ كەلەدى ەكەن. بىراق مادەني وشاق پەن قازىنا يەلەرىنىڭ اراسىنداعى باعادا كەلىسپەۋشىلىك بۇعان كەدەرگى كەلتىرىپ تۇرعان سياقتى. ءۇي يەلەرى تاپقان ولجاعا 1 ميلليون تەڭگە سۇرايدى. ال وبلىستىق مادەنيەت باسقارماسىنداعىلار بۇل باعانى تىم جوعارى دەپ ەسەپتەيدى.
«مۇراجاي ازىرگە ءبىز ايتقان باعاعا ساتىپ الۋعا كەلىسىم بەرگەن جوق. ولار قايتا-قايتا باعانى تومەندەتۋدى وتىنۋدە. ءبىز ازىرگە ويلانىپ ءجۇرمىز. شىنى كەرەك, تۇرمىسىمىز تومەن. ال مەكتەپكە باراتىن ۇلىمىزدىڭ كيىمدەرى جۇدەۋ, وقۋ قۇرال-جابدىقتارى جەتىسپەيدى. وعان قوسا بالا كوپتەن بەرى ۆەلوسيپەد اپەر دەپ قىڭقىلداپ ءجۇر. سوندىقتان ءبىز ءوزىمىز تاپقان قازىناعا وسىنداي باعا بەلگىلەۋگە ءماجبۇرمىز», – دەپ تۇسىندىرەدى باعا سەبەبىن راۋشان.
قازىرگى كۇندەرى ەكى جاقتىڭ ساۋداسى كەلىسپەگەنىمەن, كونە تەڭگەلەر مۇراجايدا ساقتاۋلى تۇرعان كورىنەدى. مامانداردىڭ پىكىرلەرى بويىنشا, ولاردى تەرەڭىرەك زەرتتەۋ تاريحتاعى جاڭا بەتتەردى اشۋعا كومەكتەسۋلەرى ءتيىس.
مۇرات ايتقوجا.
