ورتالىق سايلاۋ كوميسسياسى 27 قازاندا ەلىمىزدىڭ 14 ءوڭىرىندە 72 سايلاۋ وكرۋگىندەگى شىعىپ قالعان ءماسليحاتتار دەپۋتاتتارىنىڭ ورنىنا سايلاۋ وتكىزۋدىڭ ناتيجەسىن جاريا ەتتى.
سايلاۋ ناۋقانىنىڭ ءناتيجەسىندە وبلىستىق, استانا قالاسىنىڭ 18 قالالىق جانە 36 اۋداندىق ءماسليحاتتارىنىڭ دەپۋتاتتارى سايلانعان-دى. وسك ءباسپاسوز حاتشىسى ۆەنەرا جەكسەمبەكوۆانىڭ سوزىنە قاراعاندا, دوداعا قوسىلعان 244 كانديداتتىڭ 77-ءسىن ساياسي پارتيالار مەن قوعامدىق بىرلەستىكتەر ۇسىنسا, ال قالعان 167-ءسى ءوزىن ءوزى ۇسىنعاندار. سولاردىڭ تەك 185-ءى كانديدات رەتىندە سايلاۋ بيۋللەتەندەرىنە ەنگىزىلسە, ورتاشا باسەكەلەستىك ءبىر دەپۋتاتتىق مانداتقا 2 كانديداتتان كەلگەنى بەلگىلى بولىپ وتىر.
ورتالىق سايلاۋ كوميسسياسى 27 قازاندا ەلىمىزدىڭ 14 ءوڭىرىندە 72 سايلاۋ وكرۋگىندەگى شىعىپ قالعان ءماسليحاتتار دەپۋتاتتارىنىڭ ورنىنا سايلاۋ وتكىزۋدىڭ ناتيجەسىن جاريا ەتتى.
سايلاۋ ناۋقانىنىڭ ءناتيجەسىندە وبلىستىق, استانا قالاسىنىڭ 18 قالالىق جانە 36 اۋداندىق ءماسليحاتتارىنىڭ دەپۋتاتتارى سايلانعان-دى. وسك ءباسپاسوز حاتشىسى ۆەنەرا جەكسەمبەكوۆانىڭ سوزىنە قاراعاندا, دوداعا قوسىلعان 244 كانديداتتىڭ 77-ءسىن ساياسي پارتيالار مەن قوعامدىق بىرلەستىكتەر ۇسىنسا, ال قالعان 167-ءسى ءوزىن ءوزى ۇسىنعاندار. سولاردىڭ تەك 185-ءى كانديدات رەتىندە سايلاۋ بيۋللەتەندەرىنە ەنگىزىلسە, ورتاشا باسەكەلەستىك ءبىر دەپۋتاتتىق مانداتقا 2 كانديداتتان كەلگەنى بەلگىلى بولىپ وتىر.
وسى رەتتە داۋىس بەرۋ 547 سايلاۋ ۋچاسكەسىندە وتكەنىن ايتا كەتۋ كەرەك. سايلاۋشىلار تىزىمىنە 478 344 ادام ەنگىزىلسە, داۋىس بەرۋگە سولاردىڭ 338 016-سى قاتىسىپتى. بۇل جالپى رەسپۋبليكالىق كورسەتكىش بويىنشا سايلاۋشىلاردىڭ 70,7 پايىزى قاتىستى دەگەندى بىلدىرەدى. سونداي-اق, داۋىس بەرۋ بارىسى مەن ساناق ءراسىمىن كانديداتتاردىڭ 347 سەنىم بىلدىرىلگەن ادامى, ساياسي پارتيالاردىڭ 281 وكىلى, قوعامدىق بىرلەستىكتەردىڭ 109 وكىلى جانە بۇقارالىق اقپارات قۇرالدارىنىڭ 76 وكىلى بايقاعانى دا ايتىلماي قالمادى.
وسك ءباسپاسوز حاتشىسىنىڭ سوزىنە قاراعاندا, سايلانعان ءماسليحات دەپۋتاتتارىنىڭ قۇرامى بويىنشا 52-ءسى (72,2 پايىزى) ەر ادام بولىپ وتىر. ال سايلانعان ايەل دەپۋتاتتار – 20 ادام (27,8 پايىز). سايلانعان دەپۋتاتتاردىڭ ورتاشا جاسى 47-ءنى قۇرايدى. وبلىستىق جانە استانا قالاسى ءماسليحاتتارىنىڭ ورتاشا جاسى 51 جاس بولسا, اۋداندىق ءماسليحاتتار دەپۋتاتتارىنىكى – 47, ال قالالىق ءماسليحاتتار دەپۋتاتتارىنىكى – 45 جاس. 67 دەپۋتاتتىڭ جوعارى ءبىلىمى بار ەكەن. ماماندىعى بويىنشا الار بولساق, سايلانعانداردىڭ 19-ى ينجەنەر (26,4 پايىز); 13-ءى ەكونوميست (18,1 پايىز) كورىنەدى. بۇدان باسقا دەپۋتاتتار قاتارىندا 10 (13,9 پايىز) وقىتۋشى, 8 (11,1 پايىز) دارىگەر, 5 (6,9 پايىز) اۋىل شارۋاشىلىعى مامانى (اگرونومدار, مال دارىگەرلەرى جانە باسقالارى) بار بولىپ شىقتى. سونىمەن قاتار, دەپۋتاتتار اراسىندا 5 (6,9 پايىز) زاڭگەر, 6 (8,3 پايىز) باسقا ماماندىق يەلەرى بولسا, ءبىر ادام ءوز ماماندىعىن كورسەتپەپتى. 5 سايلانعان دەپۋتاتتىڭ ورتاشا ارناۋلى ءبىلىمى بار ەكەن. ۆ.جەكسەمبەكوۆانىڭ مالىمەتىنشە, ناۋقان سايلاۋ زاڭناماسى تالاپتارىنا ساي وتكەن. ورتالىق سايلاۋ كوميسسياسىنا 4 ارىز كەلىپ تۇسسە, سونىڭ بارلىعىنا ورتالىق سايلاۋ كوميسسياسىنىڭ زاڭگەرلەرى ناقتى جاۋاپتار قايتارعان.
اسقار تۇراپباي ۇلى,
«ەگەمەن قازاقستان».
