بۇعان دەيىن حابارلاعانىمىزداي, تۇركىستان وبلىسىنىڭ پوليتسيا وكىلدەرى اعىمداعى جىلدىڭ ءساۋىر ايىندا جۇمىسقا ورنالاستىرامىن دەپ 30-عا جۋىق تۇرعىندى الداعان ايەلدى قولعا تۇسىرگەن ەدى. ازاماتشا ەشقايدا تىركەلمەگەن مۇمكىندىگى شەكتەۋلى بالالاردى وڭالتۋ ورتالىعىنا جۇمىسقا قابىلدايمىن دەپ, 300 مىڭ مەن 700 مىڭ ارالىعىنداعى سومانى قالتاسىنا باسقان.
اتالعان جايتقا قاتىستى قر قك-ءنىڭ 190-بابى "الاياقتىق" بويىنشا ءىس تىركەلىپ, سوتقا دەيىنگى تەرگەپ-تەكسەرۋ امالدارى جۇرگىزىلدى.
جەتكىلىكتى دالەلدەمەلەر نەگىزىندە كىنانى مويىنداۋ تۋرالى مامىلە نىسانىنداعى پروتسەستىك كەلىسىم جاسالىپ, قر قپك 612-بابىنىڭ "...ونشا اۋىر ەمەس, اۋىرلىعى ورتاشا, نە اۋىر قىلمىستار بويىنشا – كۇدىكتى, ايىپتالۋشى كەلتىرىلگەن كۇدىكپەن, ايىپتاۋمەن كەلىسكەن جاعدايدا – كىنانى مويىنداۋ تۋرالى مامىلە نىسانىنداعى" تالاپقا ساي ماقتاارال اۋداندىق سوتىنا جولدانعان. ماقتاارال اۋداندىق سوتىنىڭ ۇكىمىمەن ازاماتشاعا 3 جىل 6 اي باس بوستاندىعىن شەكتەۋ جازاسى تاعايىندالدى.
