26 قازان, سەنبى كۇنى الماتىداعى بالۋان شولاق اتىنداعى سپورت كەشەنىندە بوكستان الەمنىڭ XVII چەمپيوناتىنىڭ فينالدىق جەكپە-جەكتەرى بولىپ ءوتتى. وعان قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ قاتىسىپ وتىردى. مەملەكەت باسشىسىنىڭ ارنايى كەلىپ, ءوز ونەرلەرىن تاماشالاعانىنان بويلارىنا ەرەكشە قۋات العان قازاقستان قۇراماسىنىڭ اقتىق ايقاسقا شىققان 4 بىردەي مۇشەسى التىننان القا تاعىپ, الەم چەمپيونى اتاندى. بۇل كۇنى تاعى 2 جىگىتىمىز كۇمىس مەدالدى مويىندارىنا وراسا, سونىڭ الدىندا 2 ساڭلاعىمىزدىڭ قولا مەدالعا قول جەتكىزگەنى بەلگىلى بولعان ەدى. ءسويتىپ, ۇلتتىق كوماندا ءوزىنىڭ تاريحىندا ءبىرىنشى رەت جاھاندىق جارىستا كوماندالىق ءبىرىنشى ورىنعا شىقتى.
بۇل كۇن شىنىندا دا قازاق بوكسىنىڭ ايبىنى اسقان, قازاق قۇراماسى ءۇشىن اسپاننان التىن مەدالدار جاڭبىرى جاۋعان كۇن بولدى. وسى تاريحي جەڭىسكە اينالعان وقيعا تۋرالى ماتەريالدارمەن گازەتىمىزدىڭ 6 جانە 12-بەتتەرىندە تانىسا الاسىزدار.
26 قازان, سەنبى كۇنى الماتىداعى بالۋان شولاق اتىنداعى سپورت كەشەنىندە تان الەمنىڭ XVII چەمپيوناتىنىڭ فينالدىق جەكپە-جەكتەرى بولىپ ءوتتى. وعان قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ قاتىسىپ وتىردى. مەملەكەت باسشىسىنىڭ ارنايى كەلىپ, ءوز ونەرلەرىن تاماشالاعانىنان بويلارىنا ەرەكشە قۋات العان قازاقستان قۇراماسىنىڭ اقتىق ايقاسقا شىققان 4 بىردەي مۇشەسى التىننان القا تاعىپ, الەم چەمپيونى اتاندى. بۇل كۇنى تاعى 2 جىگىتىمىز كۇمىس مەدالدى مويىندارىنا وراسا, سونىڭ الدىندا 2 ساڭلاعىمىزدىڭ قولا مەدالعا قول جەتكىزگەنى بەلگىلى بولعان ەدى. ءسويتىپ, ۇلتتىق كوماندا ءوزىنىڭ تاريحىندا ءبىرىنشى رەت جاھاندىق جارىستا كوماندالىق ءبىرىنشى ورىنعا شىقتى.
بۇل كۇن شىنىندا دا قازاق بوكسىنىڭ ايبىنى اسقان, قازاق قۇراماسى ءۇشىن اسپاننان التىن مەدالدار جاڭبىرى جاۋعان كۇن بولدى. وسى تاريحي جەڭىسكە اينالعان وقيعا تۋرالى ماتەريالدارمەن گازەتىمىزدىڭ 6 جانە 12-بەتتەرىندە تانىسا الاسىزدار.
بۇل كۇنى بالۋان شولاق اتىنداعى سپورت سارايىنا اعىلعان جۇرتتا ەسەپ بولمادى. جەرگىلىكتى جانكۇيەرلەر, شەتەلدىك قوناقتار مەن حالىقارالىق جۋرناليستەر, ونىڭ سىرتىندا وسى سايىسقا ارنايى ات سابىلتىپ كەلگەن الەمگە تانىمال سپورت جانە بيزنەس سالاسىنىڭ بەتكەۇستارلارى, ءتۇرلى دەڭگەيدەگى شەن-شەكپەن يەلەرى مەن شەتەلدىك ديپلوماتتار, نەسىن ايتاسىز, قازاق جەرىندە تۇڭعىش رەت جالاڭباس جۇدىرىقتاساتىن جارىستى تاماشالاۋعا اسىققان جۇرت قارا ءنوپىر بولدى.
ءاىۆا وتكىزگەن الەمدىك چەمپيوناتتىڭ شىمىلدىعىن قازاقستاندىق ءبىرجان جاقىپوۆ پەن موحاممەد فليسي اشىپ, دۇنيەنى 15 كۇن بويىنا دۇرىلدەتكەن مىقتىلار سايىسىنىڭ ەڭ ەرەكشە ويىن ورنەگىن كورسەتە ءبىلدى. جەڭىل سالماقتا بۇعان دەيىن قارسىلاس شىداتپاي كەلگەن ءبىرجان الجيرلىك موحاممەدتى ايقىن باسىمدىقپەن جەڭىپ, قازاق بوكسىنىڭ العاشقى التىن جۇلدەسىن قورجىنعا سالدى.
ءدۇبىرلى جەكپە-جەكتىڭ ەكىنشى كەزدەسۋى 52 كيلوداعى رەسەيلىك ميشا الويان مەن وزبەكستان بوكسشىسى جاسۋربەك لاتيپوۆتىڭ اراسىندا ءوتىپ, بۇل سايىستا رەسەي بوكسشىسىنىڭ باعى جاندى. ءۇشىنشى جۇپ – 56 كيلو سالماقتاعى ازەربايجان ەلىنىڭ پەرزەنتى دجاۆيت چەلەبيەۆ پەن رەسەي بوكسشىسى ۆلاديمير نيكيتيننىڭ جەكپە-جەگى دە اسا تارتىستى ءوتتى. ەكى مىقتىنىڭ كەزدەسۋىندە ازەربايجان جىگىتى جەڭىس تۇعىرىنا كوتەرىلدى.
60 كيلو سالماقتاعى مىقتىلار كۋبالىق لازارو ەسترادا مەن برازيليا بوكسشىسى روبسون كونسەيسونىڭ جەكپە-جەگى دە جارىستىڭ ەڭ تارتىستى كەزدەسۋلەرىنىڭ ءبىرى بولدى. الەمدىك جارىستاردا جۇلدىزى ەرەكشە جاناتىن كۋبالىق «قارا مارجان» بۇل جولى دا مىقتى قارسىلاسىنان ايلا-ءتاسىلىن دە, شەبەرلىگى مەن كۇشىن دە اياپ قالمادى. جەڭىس تۇعىرىندا – لازارو ەسترادا.
العاشقى قادام ءساتتى باستالعاننان كەيىن-اق قازاقستاندىق بوكسشىلاردىڭ رۋحى اسقاقتاپ, رينگكە جانارلارى جارقىلداپ-اق شىعىپ جاتتى. 64 كيلو سالماقتاعى مەرەيدىڭ قارسىلاسى دا وسال ەمەس ەدى. قارسىلاس شاق كەلتىرمەي جۇرگەن كۋبالىق شەبەر ياسنير لوپەستىڭ كەزدەسۋلەرى ءالى كۇنگە كوز الدىمىزدا. جۇرەگىنە بىلەگى ساي, شەبەرلىكتەرى كەلىسكەن شىن كۇشتىلەردىڭ اراسىنداعى جەكپە-جەك تالاي كوزدى قىزىقتىرىپ, تالاي كوڭىلدى الابۇرتىپ ءوتتى. مەرەيدىڭ مىقتى سوققىلارى مەن ءياسنيردىڭ جاسىنداي قيمىلى جانكۇيەر قاۋىم مەن تورەشىلەردىڭ ساناسىن سولقىلداتىپ, بۇل جولعى جەڭىسكە دە قازاق ۇلىنىڭ يە بولارىن ايقىنداپ-اق بەردى.
69 كيلو سالماقتاعى قازاق بوكسىنىڭ جارىق جۇلدىزدارىنىڭ ءبىرى دانيار ەلەۋسىنوۆ تە جانارى جارقىلداپ, بۇلشىق ەتتەرىن ويناتا رينگكە بەتتەدى. قارسىلاسى – كۋبالىق قارا جۇدىرىق اريسنويد دەسپاين وڭاي الدىرا سالاتىن وسال ەمەس. جوعارىدا ايتىپ وتكەنىمىزدەي, قازاق بوكسىنا توتەپ بەرەتىن ءھام ۇلكەن قارسىلىق تانىتاتىن كۋبا مەكتەبىنىڭ ساڭلاق بوكسشىسى. اريسنويدتى تىزە بۇكتىرۋ ءۇشىن دانيارعا شەبەرلىك پەن كۇشتەن وزگە اللا بەرگەن باق تا كەرەك. قۇداي قولداپ, قازاق بالاسىنىڭ چەمپيوندىق تۇعىرعا كوتەرىلۋ مارتەبەسىنە يە بولدىق. مىقتىنى مىقتى مويىنداپ, شەبەردەن شەبەر اسقان كۇن بولدى بۇل!
75 كيلو سالماقتاعى مىقتىلاردىڭ كەزدەسۋى. دومبىرانىڭ كۇمبىرىمەن, قالىڭ ەلدىڭ قولپاشتاۋىمەن ورتاعا جانىبەك ءالىمحان ۇلى شىقتى. ونىڭ قارسىلاسى يرلانديا بوكسشىسى دجەيسون كۋيگلەي دە رينگتەن تەك جەڭىسپەن عانا تۇسەتىندەي وزىنە بەك سەنىممەن كەلىپ جەتتى. الايدا, جەكپە-جەكتىڭ العاشقى سارتپا-سۇرت سوققىلارى جانىبەكتىڭ جۇلدىزى جاناتىنىن جاريالاپ تاستاعانداي بولدى. ءبىرىنشى راۋندتىڭ ەكىنشى مينۋتىنا جەتكىزبەي جانىبەكتىڭ تۋرا تيگەن سوققىسىنان يرلاند بوكسشىسى تالتىرەكتەپ بارىپ سىلق ەتە ءتۇستى. اقىرىندا ايتقانداي جانىبەكتىڭ جۇلدىزى جارقىرادى.
ءتورت «التىندى» تەڭگەرىپ تاستاعاننان كەيىن رينگكە شىققان ادىلبەك نيازىمبەتوۆتەن دە شەبەر ويىن مەن كەزەكتى جەڭىس كۇتكەن ەدىك. سوڭعى جەكپە-جەگىن سىلبىر وتكىزگەن ادىلبەك شەشۋشى كەزدەسۋدە از شابۋىلداپ, كوپ قورعانۋمەن بولدى. قانداي سەبەپ بولعانىن بىلمەدىك, قولداعى جەڭىستى ءبىزدىڭ ۇل كۋبالىق قارسىلاسىنا «سىيلاعانداي» كۇي كەشتىك.
91 كيلو سالماقتاعى يتاليان كلەمەنتو رۋسسو مەن رەسەيلىك بوكسشى ەۆگەني تيششەنكونىڭ اراسىنداعى كەزدەسۋ دە اسا تارتىستى ءوتتى. بويى ىقشام بولسا دا شابۋىلى مەن سوققى بەرۋ مانەرى ءبىر ساتى جوعارى كلەمەنتو الەم چەمپيونى اتاندى.
چەمپيوناتتىڭ ەڭ قىزىق جانە بارشا جۇرت اسىعا كۇتكەن كەزدەسۋى 91 كيلودان جوعارى سالماقتاعى الىپتاردىڭ جەكپە-جەگى – جەرلەسىمىز يۆان دىچكو مەن ازەربايجاندىق موحامەدراسۋل مەدجيەۆ اراسىندا ءوتتى. ەكى راۋند بويىنا ۇپاي سانىمەن الدا كەلە جاتقان يۆان سوڭعى ءۇشىنشى راۋندتا جويداسىز سوققىدان ەسەڭگىرەپ قالدى. نوكاۋت. تىم بولماسا ۇپاي سانىمەن ۇتىلعاندا عوي كوڭىل كۇي ءدال وسىلاي تۇسپەس ەدى, دەپ وكىنىپ قالعانىمىزدى نەسىنە جاسىرايىق!
مىنە, جارتى ايعا جۋىق قازاق ەلىنىڭ توسىندە قولعاپ تۇيىستىرگەن الەمدىك دودا دا ءوز مارەسىنە كەلىپ جەتتى. قۇدايعا شۇكىر, 4 التىن, 2 كۇمىس, 2 قولانى سالدى ءبىزدىڭ وعلاندار ەل قورجىنىنا. قازاقستاندا تۇڭعىش ءارى ءاىۆا ەرەجەسىندە ەڭ ءبىرىنشى رەت جالاڭباس وتكىزىلگەن جارىستا الەمنىڭ 140-تان اسا ەلىنىڭ كىل مىقتىلارى 447 جەكپە-جەك وتكىزىپ, دۇنيە ءجۇزىنىڭ بوكس تاريحىنا ەرەكشە ۇلەس قوسىلدى.
الەم بوكسىنىڭ الەۋەتى
بوكستان الەمنىڭ ەڭ العاشقى چەمپيوناتى 1974 جىلى كۋبانىڭ استاناسى – گاۆانا قالاسىنان باستالعانى بەلگىلى. سودان بەرى ونىڭ 17 رەت جالاۋى كوتەرىلدى.
سوڭعى چەمپيوناتتىڭ قورىتىندىسى بويىنشا قازاقستان قۇراماسى ءوزىنىڭ وسى جىلداردا جەڭىپ العان مەدالدارى سانى بويىنشا كوماندالىق ءتورتىنشى ورىنعا شىقتى.
تومەندە وسى كەستەدەگى العاشقى 10 ەلدى كورسەتىپ وتىرمىز. جالپى, وسى جىلداردا مەدالدى بولعاندار قاتارىندا 51 ەلدىڭ بوكسشىلارى بار. ەسكەرتە كەتەتىنى, رەسپۋبليكا بوكسشىلارىنىڭ كەڭەس زامانىندا العان 2 التىن, 2 كۇمىس مەدالى بۇل ءتىزىمنىڭ ەسەبىنە الىنعان جوق.
| ورىن | مەملەكەت | التىن | كۇمىس | قولا | بارلىعى |
| 1 | كۋبا | 67 | 30 | 24 | 121 |
| 2 | رەسەي | 20 | 19 | 19 | 59 |
| 3 | اقش | 16 | 9 | 16 | 41 |
| 4 | قازاقستان | 10 | 8 | 14 | 32 |
| 5 | بولگاريا | 8 | 8 | 18 | 34 |
| 6 | رۋمىنيا | 7 | 5 | 17 | 29 |
| 7 | يتاليا | 6 | 2 | 14 | 22 |
| 8 | ۋكراينا | 5 | 12 | 9 | 26 |
| 9 | وزبەكستان | 5 | 7 | 12 | 24 |
| 10 | گەرمانيا | 4 | 6 | 24 | 34 |
چەمپيوندار شەرۋى
49 كگ. ءبىرجان جاقىپوۆ. شىمكەنت, قازاقستان (07.07.1984). الەمنىڭ 2013 جىلعى چەمپيونى, 2005 جىلعى قولا جۇلدەگەرى. الەم كۋبوگىنىڭ 2006, 2008 جىلدارعى قولا جۇلدەگەرى. ازيا ويىندارىنىڭ 2010 جىلعى كۇمىس جۇلدەگەرى. قازاقستاننىڭ 2006, 2007, 2009, 2012 جىلدارعى چەمپيونى, 2010, 2011 جىلدارعى كۇمىس جانە 2005 جىلعى قولا جۇلدەگەرى.
بۇل چەمپيوناتتا بەليك گالانوۆ (رەسەي), حاسانبوي دۋسماتوۆ ء(وزبەكستان), ەنتوني چاكون ريۆەرا (پۋەرتو-ريكو), يوسۆاني سوتو ۆەيتيا (كۋبا), موحاممەد فليسسي (الجير) سىندى قارسىلاستارىن ۇتتى.
52 كگ. ميشا الويان. ءنوۆوسىبىر, رەسەي (23.08.1988). وليمپيالىق ويىنداردىڭ 2012 جىلعى قولا جۇلدەگەرى, الەمنىڭ 2011, 2013 جىلدارعى چەمپيونى, 2009 جىلعى قولا جۇلدەگەرى, ۋنيۆەرسيادانىڭ 2013 جىلعى كۇمىس جۇلدەگەرى, ەۋروپانىڭ 2012 جىلعى چەمپيونى, ەۋروپانىڭ كادەتتەر اراسىنداعى 2007 جىلعى چەمپيونى. رەسەي فەدەراتسياسىنىڭ 2009, 2010, 2011 جىلدارعى چەمپيونى, 2008 جىلعى كۇمىس جۇلدەگەرى.
بۇل چەمپيوناتتا الەكساندار الەكساندروۆ (بولگاريا), وتەنگ وتەنگ (بوتسۆانا), شاحريەر احمەدوۆ (تاجىكستان), چاتچاي بۋتدي (تايلاند), جاسۋربەك لاتيپوۆ (وزبەكستان) سىندى قارسىلاستارىن ۇتتى.
56 كگ. دجاۆيد چەلەبيەۆ. باكۋ, ازەربايجان (17.05.1992). الەمنىڭ 2013 جىلعى چەمپيونى. ۋنيۆەرسيادانىڭ 2012 جىلعى كۇمىس ءجۇلدەگەرى. ەۋروپانىڭ كادەتتەر اراسىنداعى 2007 جىلعى چەمپيونى. ازەربايجاننىڭ 2013 جىلعى قولا ءجۇلدەگەرى.
بۇل چەمپيوناتتا وراز اۆزالشوەۆ (تاجىكستان), تۋگتسوگت نياسبايار (موڭعوليا), بەنسون گيچارۋ (كەنيا), شيۆا تاپا ء(ۇندىستان), قايرات ەراليەۆ (قازاقستان), ۆلاديمير نيكيتين (رەسەي) سىندى قارسىلاستارىن ۇتتى.
60 كگ. لازارو الۆارەس ەسترادا. گاۆانا, كۋبا (28.01.1991). الەمنىڭ 2011, 2013 جىلدارعى چەمپيونى, بوليۆار ويىندارىنىڭ 2009 جىلعى چەمپيونى, 2011 جىلعى كۇمىس جۇلدەگەرى, پانامەريكا ويىندارىنىڭ 2011 جىلعى چەمپيونى. الەمنىڭ كادەتتەر اراسىنداعى 2007 جىلعى كۇمىس جۇلدەگەرى. كۋبانىڭ 2008, 2012, 2013 جىلدارعى چەمپيونى.
بۇل چەمپيوناتتا دجوزەف كوردينا (ۋەلس), فازليددين گايبنازاروۆ (وزبەكستان), سايلوم اردي (تايلاند), بەرىك ءابدىراحمانوۆ (قازاقستان), روبسون كونكەيكاو (برازيليا) سىندى قارسىلاستارىن ۇتتى.
64 كگ. مەرەي اقشالوۆ. استانا, قازاقستان (05.08. 1988). الەمنىڭ 2013 جىلعى چەمپيونى, الەمنىڭ اسكەري قىزمەتكەرلەر اراسىنداعى 2010 جىلعى چەمپيونى, بۇكىلالەمدىك بوكس سەرياسىنىڭ 2010 جىلعى جەڭىمپازى, ازيانىڭ 2013 جىلعى چەمپيونى, ازيانىڭ كادەتتار اراسىنداعى 2004 جىلعى چەمپيونى. قازاقستاننىڭ 2012 جىلعى چەمپيونى.
بۇل چەمپيوناتتا دجوش تەيلور (شوتلانديا), كارلوس ادامس (دومينيكان), ەرمەك ساكەنوۆ (قىرعىزستان), ەۆەرتون لوپەس (برازيليا), ياسنيەر تولەدو لوپەس (كۋبا) سىندى قارسىلاستارىن ۇتتى.
69 كگ. دانيار ەلەۋسىنوۆ. استانا, قازاقستان (13.03.1991). الەمنىڭ 2013 جىلعى چەمپيونى, ازيا ويىندارىنىڭ 2010 جىلعى جانە ازيانىڭ 2013 جىلعى چەمپيونى. الەمنىڭ جاستار اراسىنداعى 2008 جىلعى كۇمىس جۇلدەگەرى, كادەتتەر اراسىنداعى 2006 جىلعى چەمپيونى, 2007 جىلعى قولا جۇلدەگەرى. قازاقستاننىڭ 2010, 2011, 2012 جىلدارعى چەمپيونى.
بۇل چەمپيوناتتا كارل حيەلد (باگام ارالدارى), سوۋلەمان سيسسوحو (فرانتسيا), ۆينچەنتسو مانگيكاپرە (يتاليا), ارايك مارۋتيان (گەرمانيا), اريسپويد دەسپاين (كۋبا) سىندى قارسىلاستارىن ۇتتى.
75 كگ. جانىبەك ءالىمحان ۇلى. الماتى وبلىسى, قازاقستان (01.04.1993). الەمنىڭ 2013 جىلعى چەمپيونى. ازيانىڭ 2013 جىلعى چەمپيونى. قازاقستاننىڭ 2012 جىلعى چەمپيونى.
بۇل چەمپيوناتتا سولتان ميگيتينوۆ (ازەربايجان), حۋان انتونيو مەركادو (مەكسيكا), بوگدان جۋراتوني (رۋمىنيا), دجەيسون كۋيگلەي (يرلانديا) سىندى قارسىلاستارىن ۇتتى. ال جارتىلاي فينالدا اعىلشىن ەنتوني فوۋلەر جاراقاتىنا بايلانىستى الاڭعا شىقپاي قالدى.
81 كگ. حۋليو سەزار دە لا كرۋس پەرەزا. گاۆانا, كۋبا (11.08.1989). الەمنىڭ 2011, 2013 جىلدارعى چەمپيونى. پانامەريكا ويىندارى مەن بوليۆار ويىندارىنىڭ 2011 جىلعى چەمپيونى, پانامەريكا ويىندارىنىڭ 2010 جىلعى كۇمىس ءجۇلدەگەرى, پانامەريكانىڭ 2008 جىلعى چەمپيونى. كۋبانىڭ 2008, 2010, 2012, 2013 جىلدارعى چەمپيونى, 2009 جىلعى قولا جۇلدەگەرى.
بۇل چەمپيوناتتا سەرگەي ميحەل (گەرمانيا), ولەكساندر گانزۋلا (ۋكراينا), ابدەلفاريد بەنچابلا (الجير), دجوي ۋارد (يرلانديا), ادىلبەك نيازىمبەتوۆ (قازاقستان) سىندى قارسىلاستارىن ۇتتى.
91 كگ. كلەمەنتە رۋسسو. ميلان, يتاليا (27.07.1982). وليمپيالىق ويىنداردىڭ 2008, 2012 جىلدارعى كۇمىس جۇلدەگەرى, الەمنىڭ 2007, 2013 جىلدارعى چەمپيونى, الەمنىڭ اسكەري قىزمەتكەرلەر اراسىنداعى 2004 جىلعى چەمپيونى, پوليتسيا ويىندارىنىڭ 2005 جىلعى چەمپيونى, ەۋروپا وداعىنىڭ 2005 جىلعى چەمپيونى, 2007 جىلعى كۇمىس جۇلدەگەرى. يتاليانىڭ 2004, 2005, 2006, 2007 جىلدارعى چەمپيونى.
بۇل چەمپيوناتتا لەۆان گۋلەداني (گرۋزيا), دجيم اندەرسەن (دانيا), ماركو گاليچ (حورۆاتيا), تەيمۋر مامەدوۆ (ازەربايجان), ەۆگەني تيششەنكو (رەسەي) سىندى قارسىلاستارىن ۇتتى.
+91 كگ. ماگومەدراسۋل مەدجيدوۆ. باكۋ, ازەربايجان (27.09.1986). وليمپيالىق ويىنداردىڭ 2012 جىلعى قولا جۇلدەگەرى. الەمنىڭ 2011, 2013 جىلدارعى چەمپيونى, ەۋروپانىڭ 2013 جىلعى چەمپيونى.
2010 جىلى رەسەيدىڭ داعىستان رەسپۋبليكاسىنان ازەربايجانعا ءوتىپ, بۇل ەلدىڭ ازاماتتىعىن العالى بەرى ۇلتتىق چەمپيوناتقا قاتىسىپ كورگەن ەمەس.
بۇل چەمپيوناتتا كەم اۋەسوم (اقش), ماگومەد وماروۆ (رەسەي), روبەرتو كاممارەللە (يتاليا), يۆان دىچكو (قازاقستان) سىندى قارسىلاستارىن ۇتتى.
جۇلدەگەرلەر تۇعىرى
49 كگ.
1. ءبىرجان جاقىپوۆ (قازاقستان);
2. موحاممەد فليسسي (الجير);
3. يوسۆاني سوتو ۆەيتيا (كۋبا),
داۆيد گيمەنەس رودريگەس (كوستا-ريكا).
52 كگ.
1. ميشا الويان (رەسەي);
2. جاسۋربەك لاتيپوۆ (وزبەكستان);
3. چاتچاي بۋتدي (تايلاند),
ەندريۋ سەلبي (ۋەلس).
56 كگ.
1. دجاۆيد چەلەبيەۆ (ازەربايجان);
2. ۆلاديمير نيكيتين (رەسەي);
3.قايرات ەراليەۆ (قازاقستان),
ميكولا بۋتسەنكو (ۋكراينا).
60 كگ.
1. لازارو الۆارەس ەسترادا (كۋبا);
2. روبسون كونكەيكاو (برازيليا);
3. بەرىك ءابدىراحمانوۆ (قازاقستان),
دومەنيكو ۆالەنتينو (يتاليا).
64 كگ.
1. مەرەي اقشالوۆ (قازاقستان);
2. ياسنيەر تولەدو لوپەس (كۋبا);
3. ەۆەرتون لوپەس (برازيليا),
ۋرانچيمەگ مۋنكح-ەردەنە (موڭعوليا).
69 كگ.
1. دانيار ەلەۋسىنوۆ (قازاقستان);
2. اريسپويديس دەسپاين (كۋبا);
3. ارايك مارۋتيان (گەرمانيا),
گابريەل ماەسترە (ۆەنەسۋەلا).
75 كگ.
1. جانىبەك ءالىمحان ۇلى (قازاقستان);
2. دجەيسون كۋيگلەي (يرلانديا);
3. ەنتوني فوۋلەر (انگليا),
ارتەم چەبوتارەۆ (رەسەي).
81 كگ.
1. حۋليو سەزار دە لا كرۋس پەرەزا (كۋبا);
2. ادىلبەك نيازىمبەتوۆ (قازاقستان);
3.دجوي ۋارد (يرلانديا),
ويبەك مامازۋلۋنوۆ (وزبەكستان).
91 كگ.
1. كلەمەنتە رۋسسو (يتاليا);
2. ەۆگەني تيششەنكو (رەسەي);
3.تەيمۋر مامەدوۆ (ازەربايجان),
ياميل پەرالتا (ارگەنتينا).
+91 كگ.
1. ماگومەدراسۋل مەدجيدوۆ (ازەربايجان);
2. يۆان دىچكو (قازاقستان);
3.روبەرتو كاممارەللە (يتاليا),
ەريك پفايففەر (گەرمانيا).
«ەگەمەن قازاقستاننىڭ» الەم چەمپيوناتىنداعى كوشپەلى رەداكتسياسى.
