ماڭعىستاۋ وبلىسىنىڭ جاڭاوزەن قالاسىنداعى №66/56 اسكەري ءبولىم كومانديرىنىڭ ورىنباسارى قۇقىق قورعاۋ قىزمەتكەرلەرىنە پارا الاۋ ۇستىندە قولعا ءتۇستى. بۇل تۋرالى «حابار» تەلەارناسى حابارلادى.
بۇل اسكەري قىزمەتكەر «ەكو پروەكت» جوبالاۋشى كومپانياسىنىڭ وكىلىمەن بىرلەسىپ, اسكەري قالاشىقتىڭ قۇرىلىسىنا جاۋاپتى مەردىگەردەن 1 ملن. تەڭگە پارا تالاپ ەتكەن. ولار وسى سومانى اكتىگە قول قويۋ ءۇشىن سۇراعان كورىنەدى. الايدا ەكى سىبايلاس پارا الۋ ساتىندە قۇقىق قورعاۋ قىزمەتكەرلەرىنىڭ قولىنا ءتۇستى. «اسكەري ءبولىمنىڭ تىل جونىندەگى ورىنباسارى, مايور كوشەرباەۆ جانە «ەكو پروەكت» جوبالاۋ كومپانياسىنىڭ وكىلى ابۋباكيروۆ پارا الدى دەگەن كۇدىكپەن ۇستالدى. سوندىقتان ولار سوت سانكتسياسىمەن قاماۋعا الىندى»,-دەيدى جاڭاوزەن ايماعى بويىنشا قارجى پوليتسياسى باسقارماسىنىڭ باستىعى جانىبەك تولەپقاليەۆ.
الگى ءبىز جوعارىدا اتاپ وتكەن جاڭاوزەن قالاسىنداعى جاڭادان سالىنىپ جاتقان اسكەري قالاشىق ەكەن. ەندى جاقىن ارادا سوت قوس سىبايلاستىڭ ارەكەتىنە قاتىستى شەشىم شىعاراتىن بولادى.
باقىتبەك كەنەش ۇلى.
