پاۆلودار وبلىسىندا جوعالىپ كەتكەن اناستاسيا شاريپوۆانى وسىمەن بەسىنشى تاۋلىك ىزدەستىرۋدە. ىشكى ىستەر دەپارتامەنتى قازا بولۋى مۇمكىن دەگەن بولجاممەن قىلمىستىق ءىس قوزعادى. بۇل تۋرالى «جەتىنشى» تەلەارنا حابارلادى.
«قۇقىق قورعاۋ قىزمەتكەرلەرىنە اۋىل تۇرعىندارى دا كومەكتەسۋدە. سونداي-اق جوعالىپ كەتكەن ءبۇلدىرشىندى اۋەدەن باقىلايتىن پاراپلانەرمەن ىزدەستىرۋ ۇستىندەمىز»,-دەيدى وبلىستىق ىشكى ىستەر دەپارتامەنتى ءباسپاسوز قىزمەتىنىڭ مامانى الما مۇسابەكوۆا.
وسىدان بىرەر كۇن بۇرىن 8 سىنىپ وقۋشىسى ا. شاريپوۆانىڭ جوعالىپ كەتكەنى تۋرالى بۇقارالىق اقپارات قۇرالدارىندا ارقيلى دەرەك جاريالاندى. سونىڭ بىرىندە ونىڭ دۇيسەنبىدە ساباقتان شىعىپ, ۇيىنە بەت العانى ايتىلعان بولاتىن. ازىرگە بالانىڭ ناقتى قايدا باعىت العانى جونىندە تياناقتى دەرەك جوق. اناستاسيانىڭ سۋرەتى وبلىس كولەمىنە ءىلىنىپ, ونى ىزدەستىرۋگە 200-گە تارتا ءتارتىپ ساقشىسى جۇمىلدىرىلدى.
باقىتبەك كەنەش ۇلى.
