ء"بىز 2020 جىلدىڭ 4 ساۋىرىنەن باستاپ جۇمىس ىستەپ جاتىرمىز. وسى ۋاقىت ىشىندە 300 ونلاين-كەڭەس وتكىزىلدى. نەگىزىنەن وقشاۋلانىپ جاتقان ەرەسەكتەر حابارلاسقان. بىزدە بىلىكتى پسيحولوگتار, پسيحوتەراپەۆتەر, پسيحياترلاردان قۇرالعان 61 مامان جۇمىس ىستەيدى. التى باقىلاۋشى قيىن جاعدايلارمەن جۇمىس جۇرگىزەدى. سونىمەن قاتار, Youtube ارناسىندا 50-گە جۋىق ءبىلىم بەينەماتەريالىن جاريالادىق", دەيدى نيكولاي نەگاي.
ونىڭ ايتۋىنشا, ماماندار پسيحولوگيالىق ماسەلەلەرگە بايلانىستى 263 ونلاين-كەڭەس وتكىزىپ, پسيحولوگ, پسيحوتەراپەۆتەرگە 47 كەڭەس بەردى. ورتالىقتىڭ رەسۋرسىنا 30 مىڭنان استام ادام كىرگەن.
"نەگىزىنەن بىزگە كۇيزەلىس, اشۋشاڭدىق, اگرەسسيا, قورقىنىش, الكوگولدى شەكتەن تىس كوپ ءىشۋ, دەپرەسسيا, وتباسىلىق-تۇرمىستىق پروبلەمالار, قۇقىقتىق قولداۋ قاجەتتىلىگى جانە تاعى باسقا ماسەلەلەر بويىنشا حابارلاسادى. ءبىز كورسەتىلەتىن كومەكتىڭ تيىمدىلىگىن زەرتتەدىك. ناتيجە بار. ارينە, ادامعا ونلاين كەڭەس بەرۋ قيىن. الايدا, وسى ەپيدەميولوگيالىق جاعدايدا ءبىز شەشىم تابۋعا تىرىسامىز", دەدى ول.
ايتا كەتۋ كەرەك, الەۋمەتتىك-پسيحولوگيالىق وڭالتۋدىڭ جالپى كونتەنتىن قازاقستانداعى بۇۇ بالالار قورى (يۋنيسەف) جانە الماتى قالاسىنىڭ قوعامدىق دەنساۋلىق باسقارماسى ازىرلەگەن.
