"ولاردىڭ سالىقتىق قارىزى قازىرگى ۋاقىتتا 263 845 620 تەڭگەنى قۇرايدى. ونىڭ نەگىزگى قارىزى 166 15050744 تەڭگەنى قۇرايدى. 97,694 946 تەڭگە ايىپپۇل سانكتسيالارىن ءوندىرىپ الدى", دەدى قارجى مينيسترلىگىنىڭ مەملەكەتتىك كىرىستەر كوميتەتىنىڭ ءباسپاسوز قىزمەتى.
اگەنتتىكتىڭ حابارلاۋىنشا, انتي-رەيتينگتىڭ كوشباسشىلارىنىڭ قاتارىندا الماتى قالاسىنىڭ تۇرعىنى تۇر.
"تولەۋگە بەلگىلەنگەن كولىككە سالىناتىن سالىقتىڭ جالپى سوماسى 11 ملن. تەڭگەگە جاقىندادى (10 932 801 تەڭگە). وسى سومادان 6 314 141 تەڭگە نەگىزگى قارىز. ەسەپكە الىناتىن ايىپپۇل 4 618 660 تەڭگەنى قۇراعان. 723 455 تەڭگە كولەمىندە جەر سالىعى بويىنشا قارىزى بار اقتوبە قالاسىنىڭ تۇرعىنى دا قارىزدى تولەگەن كەزدە 73 719 تەڭگە كولەمىندە ايىپپۇل تولەۋدەن بوساتىلۋى مۇمكىن", دەپ تولىقتىردى سالا ماماندارى.
ەسكە سالايىق, جىلدىڭ سوڭىنا دەيىن نەگىزگى سالىق قارىزىن تولەۋ شارتىمەن ايىپپۇلداردى ەسەپتەن شىعارۋ تۋرالى امنيستيا بار. سالىقتىق امنيستيا 2020 جىلدىڭ 31 جەلتوقسانىنا دەيىن سوزىلادى.
ايىپپۇلدى ەسەپتەن شىعارۋ ءۇشىن ەش جەرگە بارۋدىڭ قاجەتى جوق. قارىزدىڭ نەگىزگى سوماسىن تولەۋ جەتكىلىكتى. ايىپپۇلدار اۆتوماتتى تۇردە ەسەپتەن شىعارىلادى. مەملەكەتتىك كىرىستەر ورگاندارىنىڭ بارلىق اۋماقتىق بولىمشەلەرىندە ايىپپۇلداردى ەسەپتەن شىعارۋ ءۇشىن كوميسسيالار قۇرىلدى.
