قازاقستان رەسپۋبليكاسىنىڭ سىرتقى ىستەر مينيسترلىگى عيماراتىندا وسى مينيسترلىك باسشىسىنىڭ ءبىرىنشى ورىنباسارى – ەكسپو-2017 حالىقارالىق مامانداندىرىلعان كورمەسىنىڭ كوميسسارى ءراپىل جوشىباەۆتىڭ گەرمانيا فەدەراتيۆتىك رەسپۋبليكاسى بۋندەستاگىنىڭ دەپۋتاتى يۋرگەن كليمكەمەن كەزدەسۋى بولدى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان رەسپۋبليكاسىنىڭ سىرتقى ىستەر مينيسترلىگى عيماراتىندا وسى مينيسترلىك باسشىسىنىڭ ءبىرىنشى ورىنباسارى – ەكسپو-2017 حالىقارالىق مامانداندىرىلعان كورمەسىنىڭ كوميسسارى ءراپىل جوشىباەۆتىڭ گەرمانيا فەدەراتيۆتىك رەسپۋبليكاسى بۋندەستاگىنىڭ دەپۋتاتى يۋرگەن كليمكەمەن كەزدەسۋى بولدى, دەپ حابارلادى قر ءسىم-ءىنىڭ ءباسپاسوز قىزمەتى.
سۇحباتتاستار قازاقستان مەن گەرمانيا اراسىنداعى ساۋدا-ەكونوميكالىق جانە ساياسي ىنتىماقتاستىق ماسەلەلەرىن تالقىلادى. سونداي-اق, بالامالى جانە قايتالاما ەنەرگەتيكا سالاسىنداعى تەحنولوگيالار مەن يننوۆاتسيالار بويىنشا ءوزارا ءىس-قيمىل, نەمىس كومپانيالارىنىڭ ەكسپو-2017-گە قاتىسۋى ماسەلەلەرىن ءسوز ەتتى.
ر.جوشىباەۆ كورمەنىڭ قازاقستان ءۇشىن ماڭىزىن, ونىڭ ەل ەكونوميكاسىن ارتاراپتاندىرۋداعى ءرولىن اتاپ ءوتتى. ەكسپو-2017-ءنىڭ كوميسسارى, سونداي-اق, گەرمانيا كاسىپورىندارى «جاسىل» ەنەرگەتيكانى قوسا العاندا, الدىڭعى قاتارلى تەحنولوگيالار سالاسىندا الەمدىك كوشباسشىلاردىڭ ءبىرى بولىپ تابىلاتىنىن اتاپ كورسەتتى.
يۋ.كليمكە ءوز كەزەگىندە قازاقستان مەن گەرمانيا اراسىنداعى ەكىجاقتى قارىم-قاتىناستاردىڭ تىعىز بايلانىسى مەن جوعارى مارتەبەسىن اتاپ ءوتتى. بۋندەستاگ دەپۋتاتى ەكسپو-2017-گە دايىندىق بارىسىن جوعارى باعالاي كەلىپ, كورمەنى نەمىس قوعامىندا ساپالىق تۇرعىدان دۇرىس كورسەتۋ بويىنشا بىرقاتار ۇسىنىستارىن ايتتى جانە ەكسپو-2017 جۇمىسىنا جوعارى بەلسەندىلىكپەن قاتىسۋعا قىزىعۋشىلىق تانىتتى.
فوتودەرەك
لوندون. 1851 جىل.
تەحنيكالىق جانە تەحنولوگيالىق جەتىستىكتەردى ايگىلەيتىن حالىقارالىق ەكسپو كورمەسى ەڭ العاش رەت 1851 جىلى 1 مامىر مەن 15 قازان ارالىعىندا لوندونداعى گايد-پاركتە دجوزەف پاكستوننىڭ حرۋستال سارايىندا البەرت حانزادانىڭ باستاماسىمەن وتكىزىلگەن ەدى. العاش وتكەن الەمدىك بۇل كورمەدە وندىرىستىك تاۋارلار مەن قولونەر شەبەرلەرىنىڭ بۇيىمدارى,
الۋان ءتۇرلى ماشينەلەر, وندىرىستىك ادىستەمەلەر, سونداي-اق, پايدالى قازبالار مەن بەينەلەۋ ونەرىنىڭ تۋىندىلارى قويىلدى.
پاريج. 1855 جىل.
اراعا ءتورت جىل سالىپ ەكىنشى رەت ۇيىمداستىرىلعان حالىقارالىق كورمە 1855 جىلعى 15 مامىر مەن 15 قاراشا ارالىعىندا فرانتسيادا ناپولەن حانزادانىڭ قامقورشىلىعىمەن وتكىزىلدى. بۇل جولعى كورمەنى دە الەمدىك ەڭبەك ونەركاسىبىنىڭ, اۋىل شارۋاشىلىعى مەن اسەم ونەردىڭ جاھاندىق جايماسى دەپ اتاۋعا تولىق نەگىز بار ەدى. جالپى اۋماعى 16 گەكتار جەردى الىپ جاتقان الىپ كورمەگە 34 ەل ءوز پاۆيلونىن اكەلىپ قويدى. سول جولعى كورمەنى 5 ميلليوننان استام ادام تاماشالاعان ەدى.
