قۇرىلعى ادام كوپ جينالاتىن عيماراتتاردىڭ ىشىندە قولدانۋعا وتە پايدالى بولۋى مۇمكىن. Spiri اتاۋىنا يە بولعان قۇرىلعى بۇرىن دا بار بولاتىن. ونى ستارتاپتىڭ نەگىزىن قالاعان ۋنيۆەرسيتەتتىڭ پوليتەحنيكالىق مەكتەبىنىڭ بۇرىنعى ستۋدەنتتەرى جاساعان. قۇرىلعىنىڭ اۋەلدەگى ماقساتى عيمارات ىشىندەگى اۋا ساپاسىن باعالاۋ بولاتىن. ەكى اي بويى زەرتتەۋشىلەر جەرگىلىكتى اۋرۋحانالاردىڭ ىشىندەگى اۋاعا ساراپتاما جۇرگىزگەن.
"بىزدە عيمارات ىشىندەگى اۋا ساپاسى بويىنشا سەنىمدى مالىمەتتەر بازاسى بار. ءبىز رەسپيراتورلىق ۆيرۋستاردىڭ قالاي تارالاتىنىن جانە قىس ايلارىندا ينفەكتسيانىڭ قالاي كۇشەيۋى مۇمكىن ەكەنىن بىلەمىز. كوروناۆيرۋس پاندەمياسى باستالعان كەزدە جابىق عيمارات ىشىندە ۆيرۋستىڭ تارالۋ مۇمكىندىگى جوعارى ەكەنىن بىلدىك. ول كەزدە بۇل مالىمەتتى ءتىپتى, دۇنيەجۇزىلىك دەنساۋلىق ساقتاۋ ۇيىمى دا ايتپاعان ەدى", دەپ اتاپ ءوتتى Omni-electronica جەتەكشىسى جانە زەرتتەۋ ۇيلەستىرۋشىسى ارتۋر ايكاۆا.
مالىمەتكە ساي, Spiri-گە ورناتىلعان داتچيك. ول اۋانى جيناپ, مالىمەتتى ورتالىق ستانتسياعا جىبەرەدى. ستانتسيا بىردەن ينتەرنەت ارقىلى مالىمەتتى سۇرىپتاپ, تەحنيكا ماماندارىنا اۋا اينالىمىن جاقسارتۋ بويىنشا كليەنتتەرگە كونسۋلتاتسيا بەرۋگە كومەكتەسەدى. زەرتتەۋ ناتيجەلەرى عىلىمي جۋرنالدا جاريالاۋعا دايىندالىپ جاتىر.
ايكاۆانىڭ ايتۋىنشا, Spiri بەلگىلى ءبىر ورتادا رەسپيراتورلىق ۆيرۋستاردىڭ شوعىرلانۋىنا توسقاۋىل بولا الادى جانە عيمارات ىشىندە ۆيرۋستىڭ بولعان-بولماعانىنا تەست جاساپ تۇرادى. ونىڭ سوزىنشە, قۇرىلعىنى ستراتەگيالىق ماڭىزدى جەرلەرگە, مىسالى, پويىز جانە مەترو بەكەتتەرىنە ورناتۋ ەلدەردىڭ پاندەميادان كەيىنگى قالىپتى ومىرگە ورالۋىنا كومەكتەسەدى. «كوروناۆيرۋسقا ارنالعان تەستەردى وسى سەكىلدى حاتتامامەن جاساۋعا بولادى, بىراق ولاردى ۋاقىت جانە باعاسىنا بايلانىستى كەڭ اۋقىمدا وتكىزۋ قيىن.
زەرتحانالىق تالداۋ ناتيجەلەرىن الۋعا كەم دەگەندە بەس كۇن كەتەدى. ال Spiri ۆيرۋستىڭ تارالۋىنان ساقتانۋ ءۇشىن الدىن الۋ شارالارى قولدانىلدى ما دەگەن سۇراققا ناقتى ۋاقىت رەجيمىندە جاۋاپ بەرەدى», - دەپ اتاپ ءوتتى ايكاۆا.
