قاتىسۋشىلار اراسىندا پرايمەريزگە ۇمىتكەرلەر – مۇمكىندىگى شەكتەۋلى ازاماتتار بار. ولار ۇلكەن ەرىك-جىگەردىڭ, ومىرلىك بەلسەندىلىكتىڭ, جۇمىس ىستەۋ جانە قوعامعا پايدالى بولۋدىڭ ۇلگىسىن پاش ەتىپ كەلەدى. كونفەرەنتسيانى "الماتى قالاسى مۇگەدەكتەر ۇيىمدارىنىڭ قاۋىمداستىعى" زاڭدى تۇلعالار بىرلەتىگىنىڭ ءتورايىمى ءلاززات قالتاەۆا جۇرگىزدى.
"جەرگىلىكتى جەرلەر بولسىن, ورتالىق بولسىن, كۇندەلىكتى ومىردە, ءارتۇرلى پروبلەمالارعا تاپ بولعان جانە ولاردى جەڭىپ شىققان, ومىرلىك ۇستانىمى بار ازاماتتار دەپۋتاتتار اراسىندا نەعۇرلىم كوپ بولسا, شەشىم قابىلداۋ رەتسەپتەرىن بىلەتىن بولادى. بۇل ءبىزدىڭ ەلىمىز ءۇشىن پايدالى بولاتىنىنا سەنىمدىمىن", - دەدى ارمان قىرىقباەۆ.
ونىڭ ايتۋىنشا, پرايمەريز – ۇلكەن مۇمكىندىك, سوندىقتان بۇل سۇراققا بايىپپەن قاراۋ كەرەك. "Nur Otan" پارتياسى ەرەكشە قاجەتتىلىكتەرى بار ادامداردىڭ ءومىر ءسۇرۋ ساپاسىن ارتتىرۋ ماسەلەلەرىنە ارقاشان كوڭىل بولەدى.
ويتكەنى, پارتيانىڭ ەڭ جوعارى قۇندىلىقتارى – ادام جانە ونىڭ قۇقىقتارى مەن بوستاندىقتارى, بۇل ساياسي دوكترينادا كورسەتىلگەن. 2014 جىلعى 17 قاڭتاردا قر تۇڭعىش پرەزيدەنتى, پارتيا توراعاسى ن.ءا. نازارباەۆ "قازاقستان جولى – 2050" اتتى قازاقستان حالقىنا جىل سايىنعى جولداۋىندا "Nur Otan" پارتياسىنا مۇمكىندىگى شەكتەۋلى ادامداردىڭ ءومىر ءسۇرۋ ساپاسىن ارتتىرۋ بويىنشا جۇمىسقا جەتەكشىلىك ەتۋدى تاپسىردى.
سول جىلى "كەدەرگىسىز كەلەشەك" جوباسى ىسكە قوسىلدى. "تەڭ مۇمكىندىكتەر الەمى" مۇگەدەك بالالاردىڭ اتا-انالار قوعامى" قب باسشىسى نۇرگۇل ۇلجەكوۆا ونلاين-كونفەرەنتسيا بارىسىندا ەرەكشە ادامداردىڭ ءومىرىن وزگەرتۋ مۇمكىندىگىن پرايمەريزدەن كورەتىنىن اتاپ ايتتى.
"مەنىڭ پارتياعا دەگەن سەنىمىم «كەدەرگىسىز كەلەشەك» پارتيالىق جوباسىنىڭ جەمىستى جۇزەگە اسىرىلۋى بارىسىندا ارتا ءتۇستى. ءوز بالاما عانا ەمەس, ەرەكشە قالاۋلارى بار مىڭداعان بالالارعا كومەكتەسۋگە دەگەن انالىق ىنتا-جىگەرىم سوڭعى 4 جىلدا ينكليۋزيۆتى سپورتتىق سەكتسيالاردى تەگىن وتكىزۋىمە سەبەپ بولدى. بۇگىنگى تاڭدا ءبىزدىڭ سەكتسيادا مۇگەدەكتىكتىڭ ءتۇرلى فورماسىنداعى 150 بالا بار, تاعى 200-گە جۋىعى كەزەكتە تۇر. سەبەبى ولاردى قاراپايىم سپورتتىق سەكتسيالار قابىلدامايدى. بۇل جۇيەلى پروبلەماعا اينالعان. پرايمەريز ارقىلى مەن وسى پروبلەماعا نازار اۋدارتىپ, ۆەدومستۆوارالىق ءوزارا ءىس-قيمىلدىڭ دايىن الگوريتمىن جانە مۇگەدەكتىگى بار ادامدار اراسىندا بۇقارالىق سپورتتى دامىتۋعا, سونداي-اق ينكليۋزيۆتى ءبىلىم بەرۋ مەن الەۋمەتتىك قورعاۋعا قاتىستى نورماتيۆتىك-قۇقىقتىق اكتىلەرگە بىرقاتار تولىقتىرۋلاردى ۇسىنعىم كەلدى", دەدى ول.
ەستەرىڭىزگە سالا كەتەيىك, بۇعان دەيىن ەلباسى, پارتيا كوشباسشىسى نۇرسۇلتان نازارباەۆ ءوزىنىڭ ۆيەدوۇندەۋىندە Nur Otan-نىڭ جاقتاستارىن جانە پارتيالاستاردى ەلىمىز ءۇشىن ماڭىزدى ساياسي وقيعاعا بەلسەنە قاتىسۋعا شاقىردى. 17 تامىزدا ەلىمىزدىڭ بارلىق ايماقتارىندا "Nur Otan" پارتياسىنىڭ پرايمەريزدەرىنە كانديداتتاردى ۇسىنۋ جانە تىركەۋ باستالدى.
قازىرگى ۋاقىتتا التى مىڭنان استام ادام پارتياىشىلىك ىرىكتەۋگە قاتىسۋعا نيەت ءبىلدىردى. ۇگىت-ناسيحاتقا دايىندالۋ ءۇشىن كانديداتتارعا 31 تامىزدان 6 قىركۇيەككە دەيىن 7 كۇن بولىنەدى. 7 قىركۇيەك پەن 3 قازان ارالىعىندا كانديداتتاردىڭ ۇگىت-ناسيحات جۇمىستارى, سونىڭ ىشىندە 14-30 قىركۇيەك ارالىعىندا كوپشىلىككە جاريا دەباتتار وتەدى. دەباتتار "پرايمەريز" ارنايى اقپاراتتىق جۇيەسى ارقىلى پارتيانىڭ رەسمي اككاۋنتتارىندا كورسەتىلەدى.
