الدىمەن قمدب توراعاسى "ەل ۇلەسى – پاتەرگە" اكتسياسىنىڭ ءمان-ماڭىزىنا توقتالىپ, كوپ جىلدان بەرى باسپانا تاۋقىمەتىن تارتىپ جۇرگەن ءال-فارابي اۋدانى, ساۋلە مولتەك اۋدانىندا تۇراتىن جالعىسباستى انا ۇلجان اياپبەرگەنوۆاعا باسپانا كىلتىن تابىس ەتتى. ءوز اتىنان گاز پليتاسىن سىيعا تارتىپ, قونىستىڭ جايلى ءھام قۋانىشقا تولى بولۋىن تىلەپ, قۇتتى بولسىن ايتتى.
ءۇيدىڭ جەر كولەمى – 8 سوتوك, ال جاڭا سالىنعان پاتەردىڭ كولەمى – 8ح10 شارشى مەتر. بارلىق جاعدايى قاراستىرىلعان جانە ءۇيدىڭ اۋلاسى قورشالىپ, تەمىر قاقپاسى ورناتىلعان.
ايتا كەتسەك, اتالمىش ءۇيدىڭ قۇرىلىسىنا شىمكەنت قالاسىنىڭ باس يمامى باقداۋلەت نۇرمات ۇلىنىڭ باستاماسىمەن قمدب-نىڭ شىمكەنت قالالىق "زەكەت" قورى وكىلدىگى مەن "ساۋلە" مەشىتىنىڭ جاماعاتى قولداپ, دەمەۋشىلىك ەتىپ, از ۋاقىتتا پايدالانۋعا بەرىلدى. وسى ورايدا, وسىنداي كارانتين جاعدايىندا قول ۇشىن سوزىپ, ايانباي قىزمەت ەتكەن جومارت جاندارعا باس ءمۇفتي باتاسىن بەرىپ, ريزاشىلىعىن ءبىلدىردى.
