سەناتور ءبىلىم بەرۋ جۇيەسىندە تۋىنداعان جانە بەيىندى ۆەدومستۆونىڭ ارالاسۋىن تالاپ ەتەتىن بىرقاتار ماڭىزدى پروبلەمالاردى اتاپ ءوتتى. جەكەلەي العاندا, دەپۋتات پەن مينيستر مەكتەپتەردىڭ قاشىقتان وقىتۋعا دايىندىعى, مەكتەپ ديرەكتورلارىن روتاتسيالاۋ ارقىلى تاعايىنداۋ, جالاقىنى ارتتىرۋ جانە مەملەكەتتىك ساتىپ الۋعا قۇجاتتاردى دايىنداۋ بويىنشا مۇعالىمدەرگە تۇسەتىن جۇكتەمەنى الىپ تاستاۋ ماسەلەلەرىن تالقىلادى. ازاماتتار اتالعان ماسەلەلەردىڭ بارلىعىن سەناتوردىڭ ايماقتىق ساپارلارى كەزىندە كوتەرگەن.
اسحات ايماعامبەتوۆ ۆەدومستۆودا قولدانىستاعى زاڭناماعا بىرقاتار وزگەرىستەر مەن تولىقتىرۋلار جوباسى دايىندالعانىن, ول قازىردىڭ وزىندە پارلامەنتكە جىبەرىلگەنىن جانە بۇل ايتىلعان ماسەلەلەردى شەشۋگە ىقپال ەتەتىندىگىن ايتتى.
سونداي-اق, سەناتور مەكتەپ پسيحولوگتارى قىزمەتىنە قاتىستى تۋىندايتىن ماسەلەلەر تۋرالى ءسوز قوزعادى.
مينيستر ءوز كەزەگىندە «پەداگوگ مارتەبەسى تۋرالى» جاڭا زاڭ مۇعالىمدەردى كاسىبي قىزمەتىنە قاتىسى جوق جۇمىسقا تارتۋعا جول بەرمەيتىنىن ەسكە سالدى. سوندىقتان سەناتور ءسوز ەتكەن ماسەلەلەردىڭ بارلىعى مينيسترلىكتىڭ تۇراقتى باقىلاۋىندا بولاتىنىن جەتكىزدى.
