سەناتور پارلامەنتشىلەردىڭ باستاماسى بويىنشا ازىرلەنگەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ەگجەي-تەگجەيلى تالقىلادى. ايتا كەتۋ كەرەك, زاڭگەرلەر تاراپىنان زاڭ جوباسى ۇلكەن قىزىعۋشىلىق تۋدىردى جانە بۇگىندە كەڭىنەن تالقىلانۋدا.
ۆلاديمير ۆولكوۆ ازاماتتاردىڭ بىلىكتى زاڭ كومەگىن الۋعا كونستيتۋتسيالىق قۇقىعى بار دەسەك, ونىڭ ماڭىزدى تارماقتارىنىڭ ءبىرى قىلمىستىق سوت ءىسىن جۇرگىزۋگە ادۆوكاتتاردىڭ قورعاۋشى رەتىندە تاعايىندالۋ جانە ازاماتتىق سوت ءىسىن جۇرگىزۋگە وكىل رەتىندە قاتىسۋى ەكەنىن اتاپ ءوتتى.
ۇسىنىلىپ وتىرعان زاڭ جوباسى ازاماتتاردىڭ بىلىكتى زاڭ كومەگىن الۋ قۇقىعىن ىسكە اسىرۋىنا كەپىلدىكتى ارتتىرادى.
زاڭ كونسۋلتاتسيالارىن جويۋ, ادۆوكاتتىق ليتسەنزيادان ءومىر بويى ايىرۋ, زاڭ كونسۋلتانتتارىن اكىمشىلىك سوت وندىرىسىنە جىبەرۋ جانە ولاردىڭ كاسىبي جاۋاپكەرشىلىگىن مىندەتتى ساقتاندىرۋ جانە باسقا دا ماسەلەلەر تالقىلاندى. بۇل ماسەلەلەردىڭ بارلىعى جان-جاقتى جانە ەگجەي-تەگجەيلى زەرتتەۋدى قاجەت ەتەدى. كەلىپ تۇسكەن ۇسىنىستار سەنات كوميتەتى جۇمىس توبىنىڭ قاراۋىنا بەرىلەدى, دەپ سەندىردى ۆلاديمير ۆولكوۆ.
سۋديالارمەن كەزدەسۋدە ۆلاديمير ۆولكوۆ شەشىم قابىلداۋدا سۋديالاردىڭ تاۋەلسىزدىگى مەن دەربەستىگىن, سوت تورەلىگىن جۇزەگە اسىرۋ ساپاسىن ارتتىرۋعا, سۋديالىققا كانديداتتاردى ىرىكتەۋ تاسىلدەرىن وڭتايلاندىرۋعا باعىتتالعان جۇيەنى ودان ءارى جەتىلدىرۋ ماسەلەلەرىن تالقىلادى. اكىمشىلىك راسىمدىك-پروتسەستىك كودەكسىنىڭ نەگىزگى ەرەجەلەرى دە قارالدى.
قالالىق سوت توراعاسى جاڭا اكىمشىلىك سوتتار قولدانىستاعى قىزمەتكەرلەر قۇرامىنان جانە قولدانىستاعى ماتەريالدىق-تەحنيكالىق بازانىڭ نەگىزىندە جاساقتالاتىنىن حابارلادى. اكىمشىلىك ادىلەت شەڭبەرىندە ىستەردى قارايتىن سۋديالار بىلىكتىلىكتەرىن جەتىلدىرەتىن بولادى.
«قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىن قابىلداۋ – مەملەكەت ءۇشىن ماڭىزدى وقيعا. اكىمشىلىك راسىمدەر مەن سوت ءىسىن جۇرگىزۋدىڭ جاڭا قاعيداتتارىن ەنگىزۋ ازاماتتاردى بيلىك سۋبەكتىلەرى تاراپىنان بولۋى مۇمكىن تەرىس قىلىقتاردان قورعاۋعا, سونداي-اق مەملەكەت پەن قوعام اراسىندا تۋىندايتىن قاتىناستارعا تىڭ سەرپىن بەرەدى», - دەدى سەناتور.
سەناتور ادۆوكاتتىق قوعامداستىقپەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ادۆوكاتتىق قىزمەت جانە زاڭ كومەگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلادى. كەزدەسۋ قورىتىندىسى بويىنشا قالالىق ادۆوكاتتار القاسىنىڭ تورالقاسى كەيبىر زاڭنامالىق نورمالار بويىنشا ءوزىنىڭ ساراپتامالىق پىكىرىن ءبىلدىردى, ونى دەپۋتات سەناتتىڭ بەيىندى كوميتەتى زەردەلەيتىنىن اتاپ ءوتتى.
