12 ءفيناليستىڭ ەسىمدەرى jevision.khabar.kz سايتىندا داۋىس بەرۋ ارقىلى بەلگىلى بولادى. ونلاين-داۋىس بەرۋ 22 تامىز كۇنى ساعات 00.00-دە باستالىپ, 31 تامىزدىڭ ءتۇن ورتاسىنا دەيىن جالعاسادى.
قازاقستاننىڭ بارلىق وڭىرلەرىنەن بارلىعى 684 ءوتىنىم كەلىپ ءتۇستى. باستاپقى كەزەڭدە ۇيىمداستىرۋشىلاردىڭ مۋزىكالىق دەپارتامەنتى 72 ءوتىنىمدى ىرىكتەپ الدى. ولاردىڭ اراسىنان قازىلار القاسى 30 قاتىسۋشىنى تاڭداپ الدى.
كەلەسى كەزەڭنىڭ قاتىسۋشىلارى:
- ابدراحمانوۆا جانەركە
- التىنبەكقىزى سانيا
- بالگازينا سوفيا
- باشانوۆا قاراقات
- بەكجان نازاربەك
- بۋرحانوۆا اديا
- عازيزقىزى كاميلا
- گيليوۆا كاميلا
- جۇماباي ابىلقايىر
- جاقىپبەكوۆ نۇرمۇحاممەد
- جۇماجان ايدانا
- زاۋشەۆا ايلۋن
- قالدىبەك جانەل
- كۋزدەنباەۆا كاميللا
- كۋناديلوۆا ادەل
- كۋسانوۆا نۇرشات
- ماكيم جان
- ماكسيموۆ ميراس
- ماناربەكقىزى اقجىبەك
- مۋكيتانوۆا ايىم
- نۇرجانوۆا اكنۇر
- ءومىرباي ۇلى ساعىن
- ساعىنباەۆا الينا
- سايپوللدا يسلام
- تىلەپوۆا ديلناز
- تىلەۋبەك ايكەرىم
- تىلەۋىنبەتوۆا جاسمين
- تولەۋباي دىنمۇحاممەد
- تۇرسىنوۆا ماحينۇر
- شەرحان ارىستان
ۇلتتىق ىرىكتەۋدىڭ قازىلار القاسىنىڭ قۇرامىندا "قازاقكونتسەرت" مەملەكەتتىك كونتسەرتتىك ۇيىمىنىڭ ديرەكتورى جەڭىس سەيدوللا ۇلى, "حابار" تەلەارناسىنىڭ ديرەكتورى دينارا بيسەمبينا, ءانشى-كومپوزيتور قايرات باەكەنوۆ, كومپوزيتور حاميت شاڭعاليەۆ, ديماش قۇدايبەرگەننىڭ ساۋندپروديۋسەرى ەرلان بەكچۋرين, ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ دەكانى, پروديۋسەر باعىم مۇحيتدەنوۆا جانە حالىقارالىق مۋزىكالىق بايقاۋلاردىڭ جەڭىمپازدارى - جانار دۇعالوۆا, امىرە, Dinaya جانە ءمادي سىزدىقوۆ بولدى. سونداي-اق, ۇلتتىق ىرىكتەۋگە ارنايى شاقىرىلعان ءادىل-قازى مۇشەسى - بەلگىلى كومپوزيتور, پروديۋسەر, "Eurovision Song Contest" ءان بايقاۋىنداعى ءازىربايجان دەلەگاتسياسىنىڭ جەتەكشىسى يسا مەليكوۆ تە قاتىستى.
"Junior Eurovision" بايقاۋىنىڭ ۇلتتىق ىرىكتەۋىنىڭ فينالى 26 قىركۇيەك كۇنى "حابار" تەلەارناسىنىڭ تىكەلەي ەفيرىندە وتەدى.
جوبا ۇيىمداستىرۋشىلارى ىرىكتەۋدىڭ ءبىرىنشى كەزەڭىنە قاتىسقان بارلىق جاس ورىنداۋشىلارعا العىس ايتىپ, بارلىق قازاقستاندىقتاردى jevision.khabar.kz سايتىنان ەڭ مىقتى قاتىسۋشىعا داۋىس بەرۋگە شاقىرادى.
ەستەرىڭىزگە سالا كەتەيىك, اتالمىش بايقاۋعا قازاقستاننىڭ وسىمەن ءۇشىنشى مارتە قاتىسۋى - "حابار" اگەنتتىگىنىڭ 2016 جىلدان بەرى ەۋروپالىق حابار تاراتۋ وداعىنىڭ (ەۆU) قاۋىمداسقان مۇشەسى اتانۋىنىڭ ارقاسىندا مۇمكىن بولىپ وتىر. بيىل بايقاۋدىڭ وتۋىنە قازاقستان رەسپۋبليكاسىنىڭ مادەنيەت جانە سپورت مينيسترلىگى قولداۋ بىلدىرۋدە.
