"قىستا "كوكجايلاۋ" كۋرورتى قۇرىلىسىنا جۇمسالعان بارلىق قاراجاتتى تەكسەرۋ تۋرالى تاپسىرما ءتۇستى. وكىنىشكە وراي, قىسقى ۋاقىتتا تاۋلى ايماققا بارىپ, باقىلاۋ شارالارىن جۇرگىزۋگە مۇمكىندىك بولمادى. مەنىڭ بىلۋىمشە, بۇل تەكسەرۋ قولايلى جاعداي تۋىنداعاننان كەيىن جۇرگىزىلدى. ءتيىستى اۋديتورلىق شارالار زاڭنامانى بۇزۋدىڭ جەكەلەگەن فاكتىلەرىن انىقتادى. ماتەريالدار قۇقىق قورعاۋ ورگاندارىنا, ناقتى ايتقاندا سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالالىق دەپارتامەنتىنە پروتسەسسۋالدىق شەشىم قابىلداۋ ءۇشىن بەرىلدى", - دەدى ەرجان مىڭجاساروۆ ورتالىق كوممۋنيكاتسيالار قىزمەتىندەگى ءباسپاسوز ءماسليحاتى بارىسىندا باق وكىلدەرىنىڭ ساۋالىنا وراي.
ەستەرىڭىزگە سالا كەتسەك, 2019 جىلدىڭ 3 ساۋىرىندە ىلە الاتاۋى ۇلتتىق پاركى اۋماعىنداعى 5 جەر ۋچاسكەسى جالعا بەرۋ ءۇشىن تەندەرگە قويىلعانى بەلگىلى بولدى. بۇل جوباعا قوعام تاراپىنان نارازىلىق تۋىنداپ, كەيىننەن مەملەكەت باسشىسى قاسىم-جومارت توقاەۆ كوكجايلاۋ تاۋ شاڭعىسى كۋرورتى جوباسىمەن اينالىسۋعا تىيىم سالعان ەدى.
