قازاقستان • 21 تامىز، 2020

مەملەكەتتىك ورگاندارعا ارنالعان جەڭىل كولىككە 15 ملرد تەڭگە جۇمسالعان

26 رەت كورسەتىلدى

قارجى مينيسترلىگى مەملەكەتتىك ساتىپ الۋ تۋرالى زاڭناما دەپارتامەنتىنىڭ ديرەكتورى ءسابيت احمەتوۆ كارانتين كەزەڭىندە اۆتوموبيل مەن جيھاز ساتىپ العان مەملەكەتتىك ورگاندار تۋرالى ايتتى، دەپ حابارلايدى Egemen.kz

"بۇگىندە كولىك قۇرالدارىن ساتىپ الۋ فاكتىلەرى بار. بىراق كوبىسى مەملەكەت ابسشىسىنىڭ تاپسىرماسىنا دەيىن تاپسىرىس بەرىلگەن دۇنيەلەر ەكەنىن دە ەسكەرۋ كەرەك.قالعان جاعدايلار تەكسەرىلىپ جاتىر.ءبىز قازىردىڭ وزىندە كوپتەگەن مەملەكەتتىك ورگاندار، قۇقىق قورعاۋ ورگاندارى مەملەكەتتىك ساتىپ الۋمەن اينالىسقانىن بىلەمىز.سونداي-اق كارانتين كەزىندە  سانيتارلىق-ەپيدەميولوگيالىق قىزمەتتەرگە ارنالعان ارنايى پاترۋلدىك كولىكتەر جانە توتەنشە جاعدايلار قىزمەتى ساتىپ العان كولىكتەر دە بار" دەدى ول ونلاين-بريفينگتە.

ءسابيت احمەتوۆتىڭ ايتۋىنشا، مەملەكەتتىك ساتىپ الۋ اياسىندا جەڭىل كولىككە جۇمسالعان ورتاشا شىعىن 4،6 ميلليون تەڭگەنى قۇرايدى.

"بۇل، ادەتتە، ورتا كلاسستاعى جەڭىل اۆتوموبيلدەر. بيىل شەكتەۋلەرمەن قاتار ساتىپ الىنعان كولىكتەر وتكەن جىلمەن سالىستىرعاندا ءۇش ەسە از"،  دەپ تولىقتىردى شەنەۋنىك.

ءسابيت احمەتوۆ 2019 جىلى مەملەكەتتىك ساتىپ الۋ ارقىلى 4،5 مىڭ كولىك ساتىپ الىنعانىن ايتتى. ونىڭ 15 ملرد تەڭگەسى جەڭىل كولىكتەرگە جۇمسالدى. قالعان ساتىپ الۋ كوممۋنالدىق قىزمەتتەرگە ارنالعان ارنايى كولىكتەردى ساتىپ الۋعا بايلانىستى: تراكتورلار، بۋلدوزەرلەر، تازارتقىش زاتتار.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار