اباي • 21 تامىز، 2020

ەرالى توعجانوۆ "اباي اكادەمياسى" عىلىمي-زەرتتەۋ ينستيتۋتىن دامىتۋ جونىندەگى كەڭەسكە قاتىستى

85 رەت كورسەتىلدى

بۇگىن قازاقتىڭ ۇلى اقىنى ابايدىڭ 175 جىلدىعىنا وراي ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە قر پرەمەر-ءمينيسترىنىڭ ورىنباسارى ەرالى توعجانوۆتىڭ توراعالىعىمەن كوشپەلى كەڭەس ءوتتى، - دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆ العى سوزىندە اباي شىعارمالارىن حالىق اراسىندا، اسىرەسە، وسكەلەڭ ۇرپاق اراسىندا كەڭىنەن ءتۇسىندىرۋ مەن ناسيحاتتاۋ قاجەتتىگىن اتاپ ءوتتى.

ءىس-شارا بارىسىندا ل. ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ «اباي اكادەمياسى» عىلىمي-زەرتتەۋ ينستيتۋتىنىڭ قىزمەتى مەن جوسپارلارى تۋرالى باياندادى.

بايانداماشى «اباي اكادەمياسى» عىلىمي-زەرتتەۋ ينستيتۋتىنىڭ قر پرەزيدەنتى ق. ك. توقاەۆتىڭ تاپسىرماسىمەن 2019 جىلعى جەلتوقساندا ۇلى اقىننىڭ شىعارماشىلىق ءومىربايانىن وبەكتيۆتى باعالاۋ جانە تەرەڭ زەرتتەۋ ءۇشىن ەۋرازيا ۇلتتىق ۋنيۆەرسيتەتىندە اشىلعانىن جانە بۇگىندە 100-دەن استام عالىمنىڭ اكادەميا اياسىندا ەتنولينگۆيستيكا، الەۋمەتتانۋ، تاريح جانە مادەنيەت تۇرعىسىنان اباي جۇمىستارىن زەرتتەپ جاتقانىن حابارلادى. «اباي اكادەميسى» عىلىمي-زەرتتەۋ ينستيتۋتى اشىلعاننان بەرى 100 دانادان 16 كىتاپ شىعارىپ، تانىستىردى، سونىمەن قاتار جىل سوڭىنا دەيىن 10-عا جۋىق عىلىمي ەڭبەك شىعارۋدى جوسپارلاپ وتىر.

ەۇۋ رەكتورى ينستيتۋتتىڭ زەرتتەۋ باعىتىنداعى ءوز ۇسىنىستارى بويىنشا ودان ءارى جۇمىس جۇرگىزىلەتىنىن  ايتىپ ءوتتى. ابايدىڭ قارا سوزدەرىنە جاڭا تۇسىنىك بەرۋ، «ابايدىڭ اقىندىق الەمى» تاقىرىبىندا مونوگرافيالار، عىلىمي ەڭبەكتەر شىعارۋ مەن تاراتۋ، «اباي جانە قازاق قوعامى» تاقىرىبىندا گۋمانيتارلىق عىلىمدار سالاسىندا زەرتتەۋلەر جۇرگىزۋ، ابايتانۋشىلاردىڭ ەڭبەكتەرىن سەريالاردا باسىپ شىعارۋ ۇسىنىلدى. ۋنيۆەرسيتەت رەكتورى «اباي قۇنانباەۆتىڭ مۇراسى: قوعامدىق-گۋمانيتارلىق عىلىمدار اسپەكتىسىندەگى جاڭا ۇعىم»، سونداي-اق «قازىرگى قازاقستان جانە اباي قۇنانباەۆتىڭ مۇراسى: ساباقتاستىق جانە ىقپال» اتتى ەكى عىلىمي جوباعا باسا نازار اۋداردى.

سونداي-اق وسى جوبالاردىڭ عىلىمي-زەرتتەۋ تراەكتورياسى انىقتالىپ، وعان ابايدى زەرتتەۋ بويىنشا بارلىق ورتالىقتار قاتىسا الاتىنىن اتاپ ءوتتى. جوبالار اياسىندا اقىننىڭ مۇراسى تۋرالى عىلىمي باسىلىمدار (مونوگرافيالار، عىلىمي ەڭبەكتەر، وقۋ ماتەريالدارى) شىعارۋ، سونداي-اق قازاق جانە الەم ادەبيەتى، تاريح ماسەلەلەرى بويىنشا شەتەلدىك عالىمدارمەن، حالىقارالىق بىرلەستىكتەرمەن، عىلىمي ورتالىقتارمەن بىرلەسكەن جۇمىس جوسپارلانىپ وتىرعانىن تىلگە تيەك ەتتى.

كەڭەس قورىتىندىسى بويىنشا قر پرەمەر-ءمينيسترىنىڭ ورىنباسارى ەرالى توعجانوۆ بىرقاتار مينيسترلىكتەرگە ناقتى تاپسىرمالار جۇكتەدى جانە ءبىلىم جانە عىلىم مينيسترلىگىنە «اباي اكادەمياسى» عىلىمي-زەرتتەۋ ينستيتۋتىنىڭ باستامالارىن قولداۋ قاجەت ەكەنىن ەرەكشە اتاپ ءوتتى.

بۇعان قوسا كەڭەسكە قاتىسۋشىلارعا اتالمىش ينستيتۋتتىڭ قىزمەتى قازاقستان پرەزيدەنتى قاسىم-جومارت كەمەل ۇلى توقاەۆتىڭ باقىلاۋىندا ەكەنىن ەسكە سالدى.

قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.


سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار