"چجۋن نانشان گامالەيا ۇلتتىق ەپيدەميولوگيا جانە ميكروبيولوگيا عىلىمي ورتالىعى جاساعان ۆاكتسينالاردى جوعارى باعالادى جانە ءبىزدىڭ ەلىمىزدى ءدارىنى مەملەكەتتىك تىركەۋ ءراسىمىنىڭ اياقتالۋىمەن قۇتتىقتادى", دەلىنگەن بەيجىڭدەگى رەسەي ەلشىلىگىنىڭ حابارلاماسىندا.
قىتايلىق مامان "رەسەيلىك ادەنوۆيرۋستىق ۆاكتسينا قاۋىپسىز ەكەنىن جانە ونىڭ كلينيكالىق سىناقتارى ءساتتى اياقتالاتىنىنا سەنىم ءبىلدىردى" دەدى.
ول سونىمەن قاتار رەسەيلىك جانە قىتايلىق ماماندار COVID-19 ۆاكتسيناسى بويىنشا جۇمىستىڭ عىلىمي اسپەكتىلەرىنە بايلانىستى ماسەلەلەر بويىنشا بەلسەندى جۇمىس ىستەپ جاتقاندىعىن سوزگە قوستى.
بۇعان دەيىن رەسەيدىڭ دەنساۋلىق ساقتاۋ مينيسترلىگى كوروناۆيرۋستىڭ الدىن-الۋعا ارنالعان الەمدەگى العاشقى ۆاكتسينانى تىركەگەن بولاتىن. ول "Sputnik V" دەپ اتالعان. سودان بەرى رەسەيگە ميللياردتان استام دوزا ۆاكتسينا ساتىپ الۋعا 20-دان استام ەلدەن وتىنىشتەر كەلىپ تۇسكەنى حابارلاندى.
گامالەيا ينستيتۋتى رەسەيدە COVID-19-گە قارسى جاپپاي ەگۋ 2020 جىلدىڭ قازان ايىندا باستالادى دەپ حابارلادى. ۆاكتسيناتسيامەن ءبىر مەزگىلدە ۆاكتسينانى كلينيكالىق زەرتتەۋلەردىڭ ءۇشىنشى كەزەڭى وتەدى. وعان 40 مىڭ ادام قاتىسادى.
