بەلگىلەنبەگەن جەرگە قوقىس تاستاۋ - پەتروپاۆل تۇرعىندارىنىڭ ءجيى كەزدەسەتىن ماسەلەلەرىنىڭ ءبىرى. نارازىلىق بىلدىرگەن قالا تۇرعىندارى الەۋمەتتىك جەلىلەردە قوقىس توگىلگەن جەرلەردىڭ سۋرەتتەرى مەن ۆيدەولارىن جاريالاۋدا.
جەرگىلىكتى پوليتسيا قىزمەتكەرلەرى تازالىقتى ساقتاۋ ەرەجەلەرىن بۇزعانداردى انىقتاۋ جانە الدىن الۋ بويىنشا جۇمىس جۇرگىزۋدە. پەتروپاۆل قالاسى پب جەرگىلىكتى پوليتسيا قىزمەتى ءبولىمى باستىعىنىڭ ورىنباسارى ايدىن اقماعامبەتوۆتىڭ ايتۋىنشا, نەگىزىنەن بۇل پروبلەما قالا شەتىندە كوپ كەزدەسەدى. الايدا, كەيدە جاڭا سالىنعان كوپ قاباتتى ۇيلەردىڭ تۇرعىندارى دا وسىنداي "جابايى" ارەكەت تانىتىپ جاتادى.
جىل باسىنان پەتروپاۆل ق. پب پوليتسەيلەرى قر اكىمشىلىك قۇقىق بۇزۋشىلىق تۋرالى كودەكسىنىڭ 505-بابى (قالالار مەن ەلدi مەكەندەردiڭ اۋماقتارىن اباتتاندىرۋ قاعيدالارىن بۇزۋ, سونداي-اق قالالار مەن ەلدى مەكەندەر ينفراقۇرىلىمى وبەكتىلەرىن بۇزۋ, جاسىل ەكپەلەرىن جويۋ جانە ءبۇلدىرۋ) بويىنشا 2659 حاتتاما تولتىردى.
قۇقىق بۇزۋشىلاردىڭ كوپشىلىگىنە ەسكەرتۋ جاسالدى, 82 ادامعا ايىپپۇل سالىندى – بۇل شارا ورەسكەل زاڭ بۇزۋشىلىقتار جاسالعاندا نەمەسە ءبىرىنشى جازادان كەيىن ءبىر جىل ىشىندە قايتالانعان جاعدايدا قولدانىلادى. وبلىستا جەتى ايدىڭ ىشىندە اباتتاندىرۋ ەرەجەلەرىن بۇزعانى ءۇشىن 6516 ادام جاۋاپكەرشىلىككە تارتىلدى.
