تالدىقورعان اكىمىنىڭ ءباسپاسوز حاتشىسى نۇر قانات ۇلى اتاپ وتكەندەي, ادەپ جونىندەگى كەڭەس قازاقستاننىڭ دەنساۋلىق ساقتاۋ مينيسترىنە سانيتارلىق دارىگەرگە قاتاڭ سوگىس تۇرىندەگى تارتىپتىك جازا قولدانۋدى ۇسىنعان.
"مەن مۇنى ورىندى جانە ءادىل شەشىم دەپ سانايمىن. دەگەنمەن كوپشىلىك ونى جۇمىستان شىعارعىسى كەلەدى. بىرىنشىدەن, ول ءوز كىناسىن تولىق مويىنداپ, قالا مەن وبلىس تۇرعىندارىنان كەشىرىم سۇرادى. ەكىنشىدەن, ۆيدەودا ادامعا بالاعات سوزدەر نەمەسە قورلاۋ بولعان جوق, اسىرەسە جەكە باسقا ءوتۋ فاكتىسى ورىن العان جوق. ۇشىنشىدەن, ول دەنساۋلىق ساقتاۋ سالاسىندا تاجىريبەسى مول جانە ەڭبەك ءوتىلى بار ءوز ءىسىنىڭ مامانى", دەپ جازدى تالدىقورعان قالاسى اكىمىنىڭ ءباسپاسوز حاتشىسى ءوزىنىڭ Instagram پاراقشاسىندا.
ەسكە سالايىق, مەملەكەتتىك قىزمەت ىستەرى اگەنتتىگى الماتى وبلىسىنىڭ باس مەملەكەتتىك سانيتارلىق دارىگەرى ەرعالي سىدىمانوۆقا قاتىستى تارتىپتىك ءىس قوزعادى. العاشقى جۇمىس كۇنى ەرعالي سىدىمانوۆ تالدىقورعان قالاسىنىڭ تۇرعىندارىمەن كەزدەسكەن ەدى. شەنەۋنىكتىڭ دورەكى سوزدەرى ۆيدەوعا ءتۇسىپ, الەۋمەتتىك جەلىلەرگە تاراپ كەتكەن بولاتىن.
