"فاراپ قالاسىندا بيۋدجەت قىزمەتكەرلەرى جەرگىلىكتى سمارت-تەلەديدارلار ساتىپ الۋعا نۇسقاۋ الدى. وسى 32 ديۋيمدىك "تولكۋن" تەلەديدارىنىڭ ارقايسىسى 2400 مانات (686 دوللار) تۇرادى", دەيدى لەباپ وبلىسىنداعى باسىلىم ءتىلشىسى.
جەرگىلىكتى بيلىك بيۋدجەت قىزمەتكەرلەرىنە تەلەديدار ءۇشىن اقشانى اي سايىن 500 مانات (143 دوللار) جالاقىدان ۇستاپ تۇراتىنىن ەسكەرتكەن. بىراق ولار تەلەديداردى 2021 جىلدىڭ قاڭتارىندا عانا الا الادى.
تۇركىمەنستان وتكەن جىلدىڭ سوڭىندا سمارت-تەلەديدارلار شىعارۋ جوسپارىن جاريالاعان ەدى. ايدىن گيدجەلەري بىرلەسكەن كاسىپورنىندا 32 ديۋيمدىك, 42 ديۋيمدىك جانە 55 ديۋيمدىك تەلەديدارلار شىعارۋ جوسپارلانعان بولاتىن. رەسمي تۇلعالاردىڭ مالىمدەۋىنشە, ماماندار شەتەلدە وقىپ كەلگەن.
ال ساراپشىلار جۋرناليستەرگە ەلدەگى ينتەرنەتتىڭ ناشارلىعىنا بايلانىستى سمارت-تەلەديداردىڭ كوپتەگەن فۋنكتسيالارى, ءتىپتى جوعارى ساپالى جابدىق بولعان جاعدايدا دا, جەرگىلىكتى تۇرعىندار ءۇشىن قولجەتىمدى بولمايتىنىن ايتتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
