«ۇيىم كوممەرتسيالىق ەمەس, ول پايدا كوزدەمەيدى. ءبىز حالىقارالىق ۇيىمدارمەن جانە باسقا جوبالارمەن جۇمىس ىستەيتىن بولامىز. قازىر باسىندا الەۋمەتتىك سيپاتتاعى بىرنەشە جوبالار بار, ولار نەگىزىنەن ورتا ازيا ايماعىندا جۇمىس ىستەيدى, سەرىكتەستەرىمىزبەن جانە ءبىزدىڭ دياسپورامىز جانە ءتىلىمىزدىڭ تارالۋى بار ەلدەرمەن جۇمىس ىستەيدى», - دەدى راپيل جوشىباەۆ قر ءسىم-دە وتكەن بريفينگتە.
ونىڭ ايتۋىنشا, جاڭا اگەنتتىكتىڭ جارعىلىق كاپيتالى 138 ميلليون تەڭگەنى قۇرايدى.
«بىرىنشىدەن, ءبىز 15 مامان تارتامىز - ولار نەگىزىنەن ۇلتتىق ەكونوميكا مينيسترلىگىندە جۇمىس ىستەيتىندەر, حالىقارالىق بيزنەس سالاسىندا ءتىل ۇيرەتەتىن جانە وقىتاتىن ادامدار. ءارى قاراي دامىتۋ ءۇشىن ءبىز 25 ادامعا دەيىن جوسپارلاپ وتىرمىز - بۇل جارعىلىق كاپيتالعا دا كىرەدى», - دەدى ءراپىل جوشىباەۆ.
قازاقستان رەسپۋبليكاسى سىرتقى ىستەر ءمينيسترىنىڭ ورىنباسارى ەرجان اشىقباەۆ اگەنتتىك «ۇشجاقتى سەرىكتەستىك» اياسىندا جۇمىس ىستەيتىندىگىن ءتۇسىندىردى. «بۇل شەتەلدەن قارجىلاندىرۋ تۇسكەن كەزدە ءوزارا ارەكەتتەسۋدىڭ ءبىر ءتۇرى. قازاقستان نەمەسە اگەنتتىك وسى جوبالاردى ىسكە اسىرۋشى جانە جۇزەگە اسىرۋشى ءرولىن اتقارادى. بەنەفيتسيار ەل بار», - دەگەن ەرجان اشىقباەۆ جانە اگەنتتىك بەنەفيتسيار ەلدەردە جوبا قۇنىنىڭ 7% الاتىنىن ايتتى.
قازاقستانداعى جانە الەمدەگى سوڭعى جاڭالىقتاردى ءبىرىنشى بولىپ وقۋ ءۇشىن Telegram جەلىسىندە بىزگە جازىلىڭىز.
