"اشىق اسپان اياسىندا سپورتپەن شۇعىلدانۋ كەزىندە كوروناۆيرۋس ينفەكتسياسىن جۇقتىرماۋ ماقساتىندا جاتتىعۋشىلار اراسىندا كەمىندە 2 مەتر الەۋمەتتىك قاشىقتىق ساقتالۋى قاجەت. جاتتىعۋ كەزىندە بايلانىس جاساۋدان اۋلاق بولۋ كەرەك, سپورتتىق جابدىقتاردى (كىلەمشەلەردى) پايدالانعاننان كەيىن جۋىپ, دەزينفەكتسيالاۋ قاجەت", - دەپ كەڭەس بەردى گۇلنار ماديماروۆا.
سونىمەن قاتار, ول فيتنەس-ورتالىقتاردىڭ جۇمىسى قالاي جۇزەگە اسىرىلاتىنىن ءتۇسىندىردى. الماتى قالاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس, سپورتتىق-ساۋىقتىرۋ ورتالىقتارى infokazakhstan.kz پورتالى ارقىلى نىساننىڭ دايىندىعى تۋرالى حابارلاما بەرىپ, كوميسسيانىڭ وڭ قورىتىندىسىن العاننان كەيىن ءوز قىزمەتتەرىن قالپىنا كەلتىرە الادى.
"فيتنەس ورتالىقتارعا قويىلاتىن تالاپ, 1 ادامعا 5 شارشى مەتر ورىن بولۋى ءتيىس. بۇل ورتالىققا كەلۋشىلەر سانى 50% -دان اسپايدى دەگەندىك. ورتالىق جۇمىسىن الدىن الا جازىلۋ بويىنشا ۇيىمداستىرۋ كەرەك. سپورت جابدىقتارىن, ترەناجەرلەردى كەمىندە 2 مەتر قاشىقتىقتا ورنالاستىرۋ شارت. توپتىق ساباقتار كەزىندە بەلگىلەر قويۋ ارقىلى وقۋشىلار اراسىنداعى الەۋمەتتىك قاشىقتىقتى ساقتاۋدى قامتاماسىز ەتۋ قاجەت. جالپى العاندا, جاتتىعۋ كەزىندە سپورتشىلار اراسىنداعى ءوزارا قارىم-قاتىناستى ازايتۋ كەرەك. باكتەريتسيدتى شامدار مەن اۋا رەتسيركۋلياتورلارىن قولدانعان ءجون", - دەدى گۇلنار ءماديماروۆا.
سونداي-اق, ول كەلۋشىلەرگە كوروناۆيرۋس ينفەكتسياسىن جۇقتىرۋدىڭ الدىن الۋ ماقساتىندا, ءار 2 ساعات سايىن وقۋ-جاتتىعۋ پروتسەسى وتكىزىلەتىن جۇمىس ورىندارى مەن عيماراتتى جەلدەتۋ قاجەت ەكەنىن اتاپ ءوتتى. عيماراتتىڭ اۋدانىنا بايلانىستى قىزمەتكەرلەردىڭ كليەنتتەرمەن تىكەلەي بايلانىسىن بارىنشا ازايتۋ, سپورت ساباقتارىن وتكىزۋدى قوسپاعاندا, كەلۋشىلەردىڭ ماسكا تاعىپ ءجۇرۋىن قامتاماسىز ەتۋ كەرەك.
"وندىرىستىك جانە تۇرمىستىق عيماراتتارعا ءار 3 ساعات سايىن ىلعالدى سانيتاريالىق تازالاۋ جۇمىستارىن جۇرگىزۋ مىندەتتەلەدى. اتاپ ايتقاندا, ەسىكتىڭ تۇتقالارى, ەلەكتر سوندىرگىشتەردى, سۇيەنىشتەردى, سپورتتىق جابدىقتاردى, ۇستەلدەردى, ورىندىقتاردى, كيىم ىلەتىن ورىنداردى, تاماقتانۋ, دەمالىس بولمەلەرىن, سانيتارلىق بولمەلەردى مىندەتتى تۇردە دەزينفەكتسيالاۋ قاجەت",– دەپ قورتىندىلادى ەپيدەميولوگ.
